كتبت: نجلاء علاء الدين
ردت هند ابنة الفنان الراحل سعيد صالح، على تصريحات الفنانة آمال رمزي، والتي أساءت فيها لوالداها الراحل، وذلك خلال لقائها في برنامج “تفاصيل” مع الإعلامية نهال طايل.
وكتبت هند سعيد صالح عبر صفحتها الشخصية علي “فيسبوك”: “يا مدام آمال، كلام حضرتك عن بابا وبطريقة غير مباشرة عن أمي ما بيعكسش غير طريقة تفكير ونمط أخلاقي بيقي بالممتلكات، مين عنده كام ومين اشترى ايه ومين ابن مين، ما شاء الله ولا قوة إلا بالله ربنا يبارك له فيما رزق”.
هند سعيد صالح: أنا بحمد ربنا إني بنت راجل محبوب
وأتمت: “أنا بحمد ربنا إني بنت راجل محبوب من جمهور أغلبه ماشافوهوش وجهًا لوجه ولا حتى عاصروه، وكل اللي بينهم وبينه ضحكة رسمها على وشوشهم في يوم من الأيام، الجمهور ده ردها لبابا في ردهم على حضرتك، بشكرهم من كل قلبي وإن شاء الله يكون ربنا سخَّرهم للدعاء لبابا، هم ردوا غيبة متوفى قبل ما يردوا غيبة فنان بيحبوه، بس أنا لسه ماردتش
آمال رمزي: سعيد صالح كان بيقول ألفاظ مينفعش تتقال قدام ستات
وقبل أيام قليلة، ظهرت آمال رمزي في لقاء مصور مع الإعلامية نهال طايل، وتحدثت خلال هذا اللقاء عن الفنان الراحل سعيد صالح، وأكدت أنه كان يتلفظ بكلمات جارحة أمام النساء.
وقالت آمال رمزي: “سعيد صالح كان بيقول ألفاظ مينفعش تتقال قدام ستات محترمات، وهزاره مش حلو، عكس عادل إمام كان محترم وذوق جدًّا واتجوز من ست محترمة، شتان بين ده وده”.
وأتمت آمال رمزي: “عادل إمام كان بيشتغل بجد لكن سعيد صالح كان بيروح يسهر ويكركر مع إنه كوميديان كبير”.
