كتبت: نجلاء علاء الدين
أحيت النجمة ميران عبد الوارث، ذكري وفاة والدها السادسة ، بكلمات مؤثرة، والذي رحل عن عاملنا 71 عامًا عام 2018، وأستعادة ميران من خلال استعادة ذكريات هذا اليوم، وأكدت أنها تمرض في كل عام بهذا التوقيت تحديدا.
ونشرت ميران صورة والدها الراحل عبر صفحتها الرسمية على موقع التواصل الاجتماعي “فيسبوك” وعلقت عليه قائلا: “زى الليلة دى من 6 سنين، مكنش جايلى نوم برضه، عشان مكنتش عارفة هصحى أشوفه تانى ولا هتبقى كانت آخر مرة خلاص، كان مجرد إحساس، من قوته افتكرته تهيئات، أو مخاوف، سبحان الله بقالى 6 شهور أو أكتر، مناعتي زى الفل، ضِعفت امبارح، وعييت، كأن مهما بتمر السنين، الجسم مسجل أنه فى اليوم ده هيتعب، فكل سنة، فى نفس اليوم ده، بعيشها من أول وجديد”.
وتابعت: “زي الليلة من 6 سنين، فقدت عمود من عواميد تعريفي لنفسي، نصي الثاني والأهم، فهمت يعنى إيه تعب ويعنى وجع ويعنى إيه هم، بس فى نفس الوقت زي الليلة دي من 6 سنين، هو راح وجيت أنا، كسر كبير، بس زي ما بيقولوا دخل نور أكبر، لأن مهما كان الوجع، فاللهُ أكبر، أكبر من كل شيء، وهو صاحب كل شيء، وطالما ده اللى قدره، يبقى أنا تمام”.
وأتمت حديثها قائلة: “وفعلاً زي الليلة دى من 6 سنين، حصل أكتر حاجة كنت بخاف منها، وبسببها، تحررت، وعقلي هدي وقلبي ارتاح، عشان اللى كنت طول عمرى ماسكة فيه راح، ففهمت، إنه مش عايزنى أمسك فى حد غيره سبحانه، مات الوالد واتولد طفل جديد زي الليلة دى من 6 سنين، فقدت أبويا وعرفت أنا مين، ومن عرفَ نفسه، عرف ربه، اللهم لك الحمد على نعمة الوعي، رحم الله كل احبابنا المسلمين، ارجو الدعاء لوالدي بالرحمة والمغفرة”.
