كتبت: نجلاء علاء الدين
تصدر مقطع فيديو لمطرب المهرجانات الشعبية مسلم والمطرب محمود العسيلي، محركات البحث الإلكترونية خلال الساعات الماضية، وظهر في هذا الفيديو مشاجرة بينهما نتج على أثارها إصابة مسلم.
وظهر محمود العسيلي في مقطع الفيديو وهو يردد: “أنت فاكر نفسك مين يعني، أنت كدة نجم يعني بتتأخر عليا أنا كل ده.. أقعد مستنيك 15 سنة”، ليرد عليه مسلم قائلًا: “أنت بتقل مني قدام خطيبتي والله ما سايبك”.
وتواصل موقع “أون مصر”، مع مطرب المهرجانات الشعبية مسلم، للكشف عن حقيقة الأمر، وأكد مسلم أن هذا الفيديو حقيقي، وحدث بسبب تأخيره علي بروفات التحضير لحفل غنائي كان من المقرر أن يجمعهما سويا.
مسلم لـ أون مصر: محمود العسيلي شايف نفسه مطرب كبير
وقال مسلم: “أتاخرت علي البروفات..ومحمود العسيلي تعدي عليا بالضرب وبطحني في رأسي..وهو شايف نفسه مطرب كبير ومكنش ينفع أنه يستناني..والمفروض كنا هنقدم حفل سواء ولكن تم إلغائه”.
أما بشأن موقفه من محمود العسيلي في الوقت الحالي، أكد مطرب المهرجانات الشعبية مسلم، أنه سيقوم بأتخاذ كافة الإجراءات القانونية ضده.
أزمات محمود العسيلي مع مطربي المهرجانات الشعبية
لم تكن هذه هي الأزمة الأولى، لـ محمود العسيلي مع مطربي المهرجانات الشعبية، بل سبق وأن حدث خلاف بينه وبين عصام صاصا، حيث قال عنه في برنامج “ع المسرح”: أنه لا يعرف مطرب بهذا الإسم.
وقال العسيلي:”في واحد أنا قولت إنه رقم 1 على كل المنصات لكن أنا فعلًا معرفش هو بيغني إيه..أنا ابني بيحبه جدًا وحافظ كل أغانيه لكن أنا عمري ما سمعته ومش تقليل منه..لو بقلل منه مش هقول إنه رقم 1 على كل المنصات وده بجد وكل الجيل بيسمعه وما يعرفوش أغانينا إحنا..أنا بتكلم على لون معين بيبقى تريند ونجاح لحظي وبعد كده بيختفي..المهرجانات لون جديد ومصري أصيل وحاجة بتاعتنا وبتاعت الشارع جدًا..المغني لو فضل يكرر نفس اللي بيقوله هيختفي لازم يدور على أفكار مختلفة عشان يحافظ على فنه زي الراب برضو”
وحينما حل عصام صاصا، في ضيافة برنامج “أسرار” رد علي هذه التصريحات بقول: “مزعلتش منه لكن مفرقش معايا إنه ميعرفنيش، هو كان عايز ياخد اللقطة بس أنت المفروض حد كبير وليك قيمتك متتكلمش عن حد متعرفوش، وهو أكيد عارف اسمي لأنه قبل ما يطلع البرنامج بيومين كنا موجودين في حفلة حسن شاكوش وكان قاعد على الترابيزة اللي جنبي وحسن شاكوش كان بيحييني وبيحيه فأكيد عرف إني مطرب زيي زيه”.
