متصلة لـ مروة عبد المنعم: انتي واخدة مكاني في الإعلام.. والأخيرة ترد

كتبت: نجلاء علاء الدين

تعرضت الفنانة والإعلامية مروة عبد المنعم، مقدمة برنامج “تفاحة مصرية” على قناة “الشمس” لموقف محرج على الهواء، وذلك بعدما قامت متصلة تدعى “عبير” بمهاجمتها، ورغم ذلك أصرت مروة على عدم قطع الاتصال.

وقالت المتصلة لـ مروة عبد المنعم: “أنا عندي مشكلة مع الناس اللي بتشتغل مهنة تانية غير مهنتها حضرتك كدا مثلا شغالة مذيعة وأنتي ممثلة.. معرفش تيجي إزاي.. وأنا وعندي 27 سنة وخريجة إعلام وقاعدة مبشتغلش عشان حضرتك واخدة مكاني.

وتابعت المتصلة حديثها قائلة:”المذيعة زمان شكلها كان مهندم.. بتعمل مكياج ولبسها مناسب مش طالعة علي الشاشة ببنطلون جينز وكوتش.. انتي ممثلة وممكن تمثلي أنا ده مكاني أنا”.

مروة عبد المنعم لـ متصلة هاجمتها: بدل ما تهاجمي روحي دوري على حلول متبصيش على الآخر

وردت عليها مروة عبد المنعم قائلة: “انتي أضيقتي من حلقة أين اختفت الأنوثة.. بس هل انتي اتفرجتي علي حلقاتي.. اتفرجتي علي حلقة العادات القديمة.. حلقة متتجوزيش.. بستاذنك هقطع الاتصال عشان أقدر علي هجومك”.

وتابعت كروة عبد المنعم حديثها قائلة:”بشكرك جدا جدا.. اتصال في منتهي الروعة.. أنا هحلل شخصيتي النفسية.. انتي كل مشكلتك إنك خريجة إعلام ومش لاقية شغل.. بدل ما تهاجميني روحي دوري علي حلول متبصيش علي الآخر..أنا مذيعة خريجة معهد فنون مسرحية يعني أنا أعمل كل حاجوة أمثل أقدم برامج أشتغل في الأذاعة.. ناس قليلة هي اللي بتدخل المعهد”.

مروة عبد المنعم: قبل ما أكون ممثلة اشتغلت مندوبة مبيعات وكنت بلف على الشقق

وأضافت: “أنا قعدت علي الكرسي ده بعد 25 سنة شغل.. أنتي بقالك خمس سنين معرفتيش تعملي حاجة.. انتي حتي محاولتيش.. أنا قبل ما أكون ممثلة أشتغلت مندوبة مبيعات وكنت بلف علي الشقق.. أشتغلت سمسارة وسكرتيرة.. وكل اللي يكلمني كنت بقوله أنا هشتغل ممثلة”.

مروة عبد المنعم: قعدت أدرس تمثيل 9 سنوات.. ولو كنتي إعلامية شاطرة كان زمانك وصلتي

وأتمت:”أنا أديت دروس في التمثيل.. وخدت كورسات بعد المعهد.. أنا أشتغلت علي نفسي وقعدت أدرس تمثيل 9 سنين.. وقعدت هنا بسبب تعبي محقدتش علي آخر محسدتش حد.. انتي شكلك مشفتيش حلقاتي شوفتي كام دقيقة وحكمتي عليا.. ولو كنتي إعلامية شاطرة كان زمانك وصلتي.. الشاطر هو اللي بيوصل وهينجح والناقد هو اللي هيفضل تحت”.