كتبت: نجلاء علاء الدين
كشف مطرب المهرجانات عصام صاصا، عددا من الأسرار من خلال ضيافته في برنامج “أسرار” الذي تقدمه الإعلامية أميرة بدر، والمذاع عبر شاشة قناة النهار، حيث تحدث خلال هذا اللقاء أرباحه الحقيقية من موقع الفيديوهات الشهير يوتيوب، وسر تفوقه على الهضبة عمرو دياب، موضحًا سبب نجاح محمد رمضان.
وقال عصام صاصا: “لما أرقامي على اليوتيوب والمنصات عدت عمرو دياب ومحمد رمضان متغرتش ولكن انبسطت”.
عصام صاصا: أرقامي عدت عمرو دياب ومحمد رمضان
وتابع عصام صاصا: “عمري في حياتي ما حسيت ولا أعرف أنا ناجح قد إيه، مدير أعمالي معاذ اللي قالي إن أرقامي عدت عمرو دياب ومحمد رمضان، ودخلت شفت الفيديو، الموضوع كان عادي”.
استكمل عصام صاصا: “بكسب من الفيديوهات على اليوتيوب، اللي بيقولك مش بيكسب يبقى بيضحك عليكي، أنا بكسشب ولكن مش اللي في خيال الناس”.
وأضاف: الناس فاكرة إني بكسب مليارات مفيش الكلام ده.. أنا عمر ما سألت أغنية ليا جايبه كام، أنا متعاون مع شركة تبع اليوتيوب حافظة حقوقي..
عصام صاصا يكشف عن رغبته في تقديم دوتو مع محمد رمضان
واصل عصام صاصا حديثه بإعلان رغبته في تقديم دوتو مع محمد رمضان قائًلا: “أتشرف أعمل دويتو مع محمد رمضان هو أكيد تعب في حياته بجد علشان كدة في اللي هوفيه ده.. أنا لو مكانه أو أي حد هيبقى مكانه هيبقى كدة”.
عصام صاصا: أنا أكثر جماهرية من ويجز
كما تطرق عصام صاصا، للحديث عن أكثر جماهيريًا هو أو ويجز، قائلاً: “أنا ممكن أكون موجود في الشارع أكتر من ويجز، لأن ممكن يكون بيعمل أغنية كل شهرين أو البوم.. لكن أنا ممكن في الشهر أعمل 10 أغاني، وبحبله أغنية البخت”.
