كتبت: نجلاء علاء الدين
تحدثت الفنانة شيرين عبد الوهاب، عن الأزمات التي تمر بها في الوقت الحالي، بسبب خلافها مع شركة روتانا، والتي تقوم بحذف أغانيها بعد طرحها بوقت قليل، مما جعلها تتكبد خسائر فاضحة خلال الآونة الماضية.
وحرصت شيرين عبد الوهابن علي تقديم الاعتذار إلى جمهورها، وذلك من خلال مداخلة هاتفية لها مع الإعلامي عمرو أديب في برنامج “الحكاية”.
وقالت: “اسفة انا ضاع من عمري كتير اوي.. ونجاحي الناس هي اللي عملته وبهديهم الاغاني بتاعتي ببلاش، لأنهم يستحقوا ده، انا فل شمعة منورة وكتر خير الجمهور على حبهم ليا.. وأنا مش محتاجة شركات أنا ماضية مع شركة ربنا.
شيرين عبد الوهاب: بناشد بلدي أنا مطربة كبيرة وعايزة حماية
وتابعت حديثها قائلة: “بناشد بلدي إني مطربة كبيرة جدا عايزاها تحميني من الكلام اللي بيحصل دلوقتي أنا كنت ساكتة الاول لكن أنا قرش وعندي سنان حامية جدا وبتطلع وقت اللزوم، ومهما عملوا وحذفوا الأغاني وهنزلها على البوتجاز.
شيرين عبد الوهاب: مش عارفة المحامي بتاعي شغال أي
وأكملت: “مش عارفة ازاي ياخدوا مني 8 مليون جنيه والمحامي بتاعي معرفش شغال أي بالظبط.. بس أنا فلوسي كتيرة، أنا قلبي وجعني من يومين من كتر النجاح اللي انا محققاه وأنا ربنا كرمني أوي أوي”.
أغنية شيرين الجديدة مازال ع البال
يشار إلى أن طرحت النجمة شيرين عبد الوهاب عبر قناتها في موقع يوتيوب وحسابها في موقع “إكس” أحدث أعمالها الغنائية بعنوان “مازال ع البال”، وهي الأغنية الرابعة التي طرحتها شيرين خلال الأيام الماضية، بعد أغنية “بتمنى أنساك”، من كلمات وألحان عزيز الشافعي، وتوزيع توما، وأغنية “اللي يقابل حبيبي”، من ألحان عزيز الشافعي وكلمات تامر حسين، وتوزيع توما، و”هنحتفل”، من كلمات تامر حسين، وألحان عزيز الشافعي، وتوزيع توما.
