كتبت: نجلاء علاء الدين
كشف الفنان زكي لوجو، عددا من الأسرار عن حياته داخل الوسط الفني، وكواليس مشاركته في الجزأين الأول والثالث من مسلسل “الكبير أوي” لـ أحمد مكي، كما وجه اعتذارا إلى النجم الكوميدي محمد هنيدي.
وقال زكي لوجو خلال حواره مع موقع “أون مصر”: “شاركت في الجزء الأول من مسلسل الكبير أوي كضيف شرف وكان اسمي بسيوني ثابت.. وبعتبر نفسي أشهر واحد قدم دور راجل بيعمل وصلة دش في الدراما عشان محدش عمل الدور ده الا أنا.. كانت الحلقة العاشرة واتذاعت الف مرة”.
وتابع:”أحمد مكي مبيعملش نفسه نجم النجوم.. هو بياخد ويدي معانا وبنشوف مين فينا اللي هيضحك ومش بياخد حاجة من حد عشان يطلع بيها وده اللي مخلي ناجح.. وأنا شاركت معه في الجزء التالت حلقة شمس الزناتي وكنت عايش في برميلي”.
زكي لوجو يتحدث عن علاقته مع أبناء سمير غانم
وتحدث عن إيمي ودنيا سمير غانم قائلا:”إيمي سمير غانم دمها خفيف وهي من بنات الحارة الشعبية.. ودنيا قدمت معاها مشهد واحد بس أنا بمثل أكتر مع الناس اللي معاها في المسلسل”.
زكي لوجو يعتذر إلى الفنان محمد هنيدي
وأكمل حديثه بالاعتذار إلى محمد هنيدي قائلا:”بعتذر للفنان الكبير محمد هنيدي عشان زعقت له مرة في اللوكيشن وهو مرديش يزعلني.. وقالي لو حد تاني عمل كده كنت زعلته وقالي أنا مش هضايقك عشان خاطر أبوك حسين.. ومحمد هنيدي فنان طيب”.
وأشار إلى صداقته مع أحمد حلمي قائلا:”من حظي السعيد أني اتربيت مع أحمد حلمي.. أخويا هاني حسين كان صديقه وبعدين بقي مدير أعماله وبعد وفاتة أخويا التاني مسك إدارة أعماله.. ولاد اخويا حسين وعبده كان بيعتبرهم ولاده”.
أشهر أعمال زكي لوجو
زكي لوجو ممثل مصري، شارك في عدد كبير من العمال الدرامية الهامة من أبرزها مسلسل “ريش نعام” لـ داليا البحيري، مسلسل “الكبير أوي” لـ أحمد مكي، مسلسل “الخواجة عبدالقادر ” لـ يحيى الفخراني، مسلسل “بنت اسمها ذات” لـ نيللي كريم.
