أبدت نيرة الأحمر، عضو مجلس إدارة نادي الزمالك، ترحيبها بدعوة محمود الخطيب، رئيس النادي الأهلي، لزيارة القلعة الحمراء، خلال الفترة المقبلة.
وقالت الأحمر، في تصريحات خاصة لـ«ملعب أون مصر»: «مؤكد إننا هنلبي دعوة الأهلي لزيارته في الأيام اللي جاية ده أمر طبيعي جدًا».
وأضافت: «ده الطبيعي ودي الصورة الطيبة اللي احنا دايمًا بنتمناها وطول الوقت بنناشد إن لا للتعصب الرياضي».
نيرة الأحمر: الأزمة بين الأهلي والزمالك انتهت
وواصلت: «وجود كرسي العامري فاروق مع باقة من الورد أثناء الزيارة أقل حاجة نقدمها له».
وتابعت: «الأمن تعامل مع الزيارة بشكل جيد عشان أهم حاجة كانت دخول مجلس إدارة الأهلي أولًا بالسلامة وبعدها مجلس الزمالك، وحسين لبيب كان آخر واحد دخل».
وأردفت: «احنا كده خلاص الأزمة بين الأهلي والزمالك انتهت وحاليًا بنصدر صورة لـ الجميع إن لا للتعصب الرياضي».
واختتمت: «الرياضة تندرج تحت بند ترفيهي عشان كده دايمًا بنقول لا للتعصب الرياضي، وفي النهاية هي مكسب وخسارة».
لمتابعة مزيد من الأخبار اضغط (هــــــنــا)
تابعنا من خلال صفحتنا على الفيس بوك من (هــــــنــا)
