كتبت : مريم محمد
شارك عدد من مستخدمي مواقع التواصل الاجتماعي مقطع فيديو لخبيرة الإتيكيت أمينة شلباية، من لقائها في برنامج “مساء DMC” مع الإعلامية إيمان الحصري، حيث تحدثت فيه عن أسباب توقفها عن تقديم البرامج التي كانت تظهر فيها على القنوات الفضائية.
وقالت شلباية: “أنا استحرمت الفلوس اللي بكسبها، لأن ده حرام، وبعملش برامج خالص لأني قبل ما أسيب السنة اللي قعدت فيها وكنت بشتغل، كان البرنامج متباع من أول دقيقة للدقيقة ستين، مع اني مش بحب الحاجات المتباعة لأني مش قادرة أقدم الإعلام الحلو اللي كنت بقدمه لما ابتديت”.
وتابعت: “مينفعش دكتور أنا كلامه مش عارفة جايبه منين أو منتج عارفة إنه رديئ وأطلع اتكلم عليه، بقيت أروح وأنا متعصبة واستحرمت الفلوس اللي بكسبها لأن ده حرام، والناس بقيت تبعتلي على الفيسبوك وتقولي أمينة المنتج ده كويس ولا لأ وبقيت مش عارفة أرد عليهم بـ آه ولا لأ مع إني عارفة إنه مش كويس”.
وأضافت: “بقيت أفكر في الموضوع وأقول عشان الفلوس ..أنا مش عايزاها، وحسيت إن دي فلوس حرام واتوقفت، وأنا بقالي 20 سنة بشتغل وعملت كل ده.. مش هعرف أقوم السوشيال ميديا بتاعتي، وربنا كرمني آخر كرم”.
آخر أعمال أمينة شلباية
شاركت أمينة شلباية في فيلم “ليه تعيشها لوحدك”، وقالت عن مشاركتها بالعمل: “كانت ممتعة ومن أول قعدة حسيت الدور قريب أوي مني، وإتعرض عليا أعمال لكن أنا مش بحب أعمل حاجة فاشلة، ولكن كسرت هذه القاعدة وكان لديا ثقة في الفيلم مع فريق مفيش زيه”.
