إسلام كابونجا لـ”أون مصر”: غياب عصام صاصا مأثر فينا.. ومش عارفين نزوره (خاص)

كتبت: رحمة محمد

عبر مؤدي المهرجانات إسلام كابونجا، عن تعاطفه مع زميله عصام صاصا، الذي يقضي حاليا عقوبة الحبس بتهمة القتل الخطأ والقيادة تحت تأثير مخدر الحشيش.

وقال إسلام كابونجا لـ “أون مصر”: “عصام صاصا أخويا، وهو دلوقتي في ظروف صعبة، وربنا يفكها عليه.. أنا أعرف عصام كويس وهو شخص طيب وجدع، وأنا علي تواصل مع والداته واخواته، وبحاول أنا وأصدقاء نروح له زيارة، بس الزيارة للأقارب فقط من الدرجة الأولى”.

وتابع: “إحنا زعلانين عليه جدا وغيابه مقصر فينا جامد، محدش كان يتوقع ان عصام يبعد عنا كده.. بس هو جدع ومسابش أهل المتوفي وربنا يصبرهم علي فراقه”.

سبب حبس عصام صاصا

وكان سبب حبس عصام صاصا، لمدة 6 أشهر اتهامه في قضية قتل خطأ، إذ دهس المجني عليه أحمد مفتاح أعلى دائرى المنيب وتمت إحالة عصام صاصا إلى المحاكمة، ليصدر ضده حكم بالحبس يوم 11 أغسطس الجاري.

عصام صاصا يطرح كليب جديد

ومن ناحية أخرى، ورغم حبس عصام صاصا، طرح مؤدي المهرجانات أغنية “الدنيا قاسية اتششقلبت بيا في ثواني” اليوم ، وجاءت كلمات الاغنية كالتالي:

الدنيا قاسيه اتشقلبت بيا فى ثوانى

فتحت عينى لقيتنى فجأة فى دنيا تانى

وحشتنى نفسى واهلى واخواتى و مكانى

هوون يارب الغربه صعبه مموتانى

ربنا علشان عالم بيا

مش هيشمتكم يوم فيا

اه من الحياه بقا كل دا كان مستخبى

انا مش بخير والصدمه هتوقفلى قلبى

غرقان فى بحر دموع مفيش ولا حد جمبى

مبقاش خلاص بأيديا غير انى ادعى ربي