كتبت: نجلاء علاء الدين
تعرضت النجمة الشابة ن نورين أبو سعدة، صاحبة أغنية “بصباصة قماصة”، لعدد من الانتقادات اللاذعة عبر مواقع التواصل الإجتماعي، مما دفعها للرد علي تلك الانتقادات من خلال فيديو نشرته عبر حسابها الرسمي بموقع تيك توك.
وقالت نورين أبو سعدة: “أغنية بصباصة عملتها من 3 سنين، وكلمات بصباصة قماصة أنا كنت متأكدة إنها هتبقى ساوند، بس تقريبًا وقتها كان التيك توك كان لسه بيعمل ساوند على قصة فيروس كورونا وطلع معايا حق، يا جماعة كله يسمع كلامي من هنا ورايح”.
نورين أبو سعدة: أغنية بصباصة قماصة هدفها الفرفشة
وتابعت: “في موضوع بيطرح إن هو ده خلاص الفن اللي بينتشر اليومين دول، أنا عايزة أتناقش في النقطة دي لأني أنا أكتر واحدة بتنتقد كل حاجة وفاهمة وجهت النظر، بس هو بيبقي إحساس وهدف ولو أنا عايزة أغلّس على حد هيكون بالطريقة دي، علشان كدة هي اشتغلت الأغنية والهدف منها كان للفرفشة وتخلي الواحد عايز يتحرك أو يغيظ بالإحساس ده”.
كلمات أغنية بصباصة قماصة
بقولك إيه كبرتي الموضوع ليه، مش محتاجة أنا شايفه إنك لازم تعملي كدة كام حاجة، عايزة اهتمام يا حرام، ده إحنا شايفينك محتاسة وكفاية كلام، العيد ميلاد جيتي وأنتِ أصلًا ملكيش عازة، فاظبطي نفسك أنا عارفة إنك أصلا بصباصة، بتبصي كدة ليه نفسنتي مني ليه، ما كفاياكي حوارات حرام عليكي.
