كشف أمير مرتضى منصور، المشرف السابق على الكرة بنادي الزمالك، عن سبب حسده للنادي الأهلي، قائلًا: «حصل في مصر كام ثورة مأثرتش على النادي الأهلي، ولا يتأثر بـ كورونا ولا ازمة أوكرانيا ولا عقود رعاية، بحس ان فيه حاجة غلط في المعادلة، ومبيعملوش أعمال رغم أني مقتنع أن فيه حسد وأعمال، لما بنروح إفريقيا بناخد معانا ماية وحاجتنا كلها، عشان مينفعش نلمس حاجة بسبب الأعمال، ويترمي علينا حيوانات ميتة بالدم عشان عسان السحر، والناس كلها عارفة».
وقال أمير مرتضى، خلال استضافته ببرنامج “أسرار” مع الإعلامية أميرة بدر المذاع على قناة النهار: «النادي الأهلي منظومة قوية جدًا وسط منظومة رياضية ضعيفة، بالتالي قادر ينجح لوحده، والأهلي أقوى من اتحاد الكرة واقوى من الأندية كلها أقوى من رابطة الأندية ومن وزارة الرياضة، وناجح عشان السيستم غلط، ومش معناه أن لو النظام اتعدل هو هيفشل».
وأضاف أمير قائلًا: «بحب اتشاف بالشغل والحاجات اللي تبين أني شاطر وذكي، وانا خبيث و مستبيع، عندي القدرة أني أعرف معلومة عن لاعب ومقولوش سنة عشان استفاد منه وبعدها اقوله، وعندي شراهة في تجميع البطولات، كنت واخد ميدالية وحسيت ان عايز تاني لحد ما بقوا 8 ميداليات، عصبي ومش بتعصب بسرعة، وممكن أكسر المكان، والمستشار مرتضى منصور خسر بسبب غضبه، بسبب رد فعله في مشاكل معاه حق فيها بس أتعصب».
أمير مرتضى يكشف سبب تدعيم تركي آل شيخ للزمالك
كشف أمير مرتضى منصور، المشرف السابق على الكرة بنادي الزمالك، ما فعله المستشار تركي آل شيخ بالرياضة في مصر، قائلًا: «تركي آل شيخ ساعدنا واتعاملت معاه وهو ذكي جدًا وأنا بحترم ده والفكرة مش في الفلوس وراجل بيحب مصر جدًا، وكان بيحكي ذكرياته مع الأهلي، وعمل طفرة في السعودية ونقل الطفرة من الرياضة للترفيه، ورجل مناسب في مكان مناسب، وده مشروع دولة وهو بيمثله».
وقال أمير مرتضى، خلال استضافته ببرنامج “أسرار” مع الإعلامية أميرة بدر المذاع على قناة النهار: «إحنا في مصر خسرنا المستشار تركي آل شيخ، وهو مسئول بيحب مصر زي السعودية، وعنده أفكار وإمكانيات مادية كان لازم نستفيد منه، وهما عندهم نظام نفسي يبقى عندنا نظام زيه، ومن الناس اللي أحب اتعامل معاهم، وبيحب بيراميدز، وقدر ينجحه، لو عندي فرصة اشتغل في حاجة معاه هعمل كده،مش زي ما بيحصل دلوقتي في اتحاد الكرة، ساعدنا حبا في مرتضى منصور، وهو مش محتاج يعمل كده، هو نفس شخصية مرتضى منصور لكن بتحديث جديد».
لمتابعة مزيد من الأخبار اضغط (هــــــنــا)
تابعنا من خلال صفحتنا على الفيس بوك من (هــــــنــا)
أمير مرتضى يرد على اتهامه بالحصول على عمولات
رد أمير مرتضى منصور، المشرف السابق على الكرة بنادي الزمالك، على اتهامات امتلاكه شركة تُحصل عمولات من صفقات نادي الزمالك.
وقال أمير مرتضى، خلال استضافته ببرنامج “أسرار” مع الإعلامية أميرة بدر المذاع على قناة النهار: ” الكلام ده اتقال عليا سنة 2015 من قبل ما أمسك الزمالك، أنا مسكت الزمالك سنة 2018، سنة 2015 دي كنت ابن رئيس نادي الزمالك وبساعد من بعيد لو عايزين يتفاوضوا مع مدرب ولكن مش بطريقة رسمية، علشان لو متمتش متتحسبش على النادي.
وتابع: لما طلع عليا الإشاعة دي مكنتش لسة ماسك حاجة، وقولت أنا عمري ما كان عندي شركة ولا مشارك في أي نشاط ولا مساهم في أي شركة، وقانون الشركات بتبقى مدرجة في هيئة معينة وأنا عمري ما كان عندي حاجة زي دي، وده كان نوع من الصراعات لأن والدي المستشار مرتضى منصور عنده أعداء وخصوم واتهموني.
وعن حيققة مشاركته أحمد يحيى وكيل اللاعبين، فعلق أمير مرتضى: أحمد يحيى وكيل اللاعبين وهو وكيل أهم لاعيبة في مصر في الأهلي والزمالك، وهو شاطر وعنده لاعيبة مميزة، وهو بيشتغل مع الأهلي والزمالك، واشتغل في الزمالك من قبل ما أنا أجي وبعد ما أنا مشيت، لو أنا مشارك أحمد يحيى مع احترامي له مستحيل أنكر علاقتي به، وأنا عندي معيار اللي هيجيب اللاعيب اللي أنا عايزه بأقل رقم هو ده اللي هتعامل معاه تاني.
وأضاف: اللاعيبة مكنتش بتيجي بفلوس من تحت الطرابيزة، الفلوس كانت بتطلع من نادي الزمالك لـ النادي اللي بنشتري منه اللاعب، وبتطلع من الزمالك في حساب اللاعب.
وأردف: أحمد يحيى تعاملت معاه من قبل ما أجي الزمالك في 3 لاعيبة وهما طارق حامد والونش ولاعيب كمان، وهو كان الوكيل بتاعهم ولما جيت توليت المسؤولية في 2018 حصل بيني وبين أحمد يحيى ومنعته يدخل النادي لمدة سنتين.
واستكمل: أحمد يحيى بلاك ليست في الزمالك، علشان خد أحمد الشناوي الجون بتاع الزمالك ومضاه في الأهلي، وأنا عرفت الموضوع ده وبعد كده أحمد الشناوي انتقل لـ بيراميدز، ولما رجعت في ولايتي التاني أحمد يحيى جابلي ناصر منسي، ومروان عطية وراح الأهلي، ولو في وكيل أنا خدت منه جنيه أو أنا عزمته على كوباية شاي يقدم فيا بلاغ.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
