كتبت: سلوى أبو زيد
كشف المطرب أحمد سعد عن امتنانه وحبه الشديد لـ طليقته علياء بسيوني، وأكد أنها كانت سببا رئيسي في نجاحه الكبير في السنوات الأخيرة.
تصريحات أحمد سعد عن علياء بسيوني
تحدث أحمد سعد في بودكاست Big Time مع الإعلامي عمرو أديب والمطربة أصالة وقال: ” أحلى أيام وذكريات كانت مع علياء بسيوني، هي ست عظيمة وفي بينا بنت هي قدمتني لقدام في شغلي، مش معنى إننا اختلفنا إن الحياة انتهت بينا، دي أم صالحة لعيالي وأحسن ست في الدنيا، وعليها عيون لا بتنافق ولا بتخون”.
وتحدث أيضا أحمد سعد عن المطربة أصالة وتأثيرها في حياته الفنية، وأكد أنها من ساندته في بداية مشواره الفني قائلًا: ” أقسم بالله أكتر ست على وجه الأرض، وقفت جنبي وأمنت بيا هي أصالة، قبل نجاح أغنية عليكي عيون وإيه اليوم الحلوة ده، وقفت جنبي في بدايتي، وأكتر واحدة آمنت بيا”.
وأضاف أحمد سعد: ” أنا متظلمتش وفي آخر سنتين حصلي نجاحات كبيرة، لما بدأت أحب نفسي، وآخد بالي من صحتي وحبيت صوتي وأحافظ عليه مأذيهوش، وأي حاجة بعد كده تيجي بعد حبي لنفسي، اللي بيقول بحب ابني أكتر من نفسي كداب”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
تصريحات أحمد سعد عن شقيقه العالم سامح
كما تطرق أحمد سعد الحديث عن شقيقه العالم سامح سعد، وكشف العديد من المواقف الشخصية التي تعرض لها من أشقائه الـ 8.
قال أحمد سعد ساخراً في برنامج بودكاست Big time مع الإعلامي عمرو أديب والمطربة أصالة: ” سامح أخويا عالم كبير، لكن هو الوحيد اللي ضاع فينا لو كان طلع فنان كان زمانه كسب أكتر”.
تابع سعد: ” سامح خد أول 5 سنين في كلية علوم امتياز مع مرتبة الشرف طلع مؤتمر أخدته اليابان حضر فيها ماجستير ودكتوراة، كان الأول على اليابان، وأمريكا أخدته عملوله معمل من أهم 10 معامل في العالم، والدكتور أحمد زويل كلمه ينزل يشتغل معاه، وبعدها رجع قال أخدم مصر دلوقتي معاه عربية 128″.
تصريحات أحمد سعد عن أشقائه الـ 8
بينما تحدث الفنان أحمد سعد عن أسرته وأشقائه الـ 8 و قال: ” إحنا 9 أولاد، وأنا رقم 7، وأنا كنت بخدم الـ8 إخواتي، وفي يوم قررت أعمل ثورة عليهم، لكن كنت بحضر لها جوة مخي، أخويا شالني ورماني برة وقفل الباب، ورحت جبت لهم الأكل ورجعت تاني.. كانت مأساة، بس عددنا الكبير ساعد على أن يطلع مننا مواهب بسبب المنافسة فيما بينا”.
