كتبت: نجلاء علاء الدين
كشفت يارا تامر، سبب فسخ خطوبتها من مطرب المهرجانات الشعبية مسلم، كما كشفت حقيقة إهدائها سيارة لها قبل فسخ خطوبتهم، وأوضحت أن مسلم كان سبب في شهرتها.
وكتبت يارا عبر ستوري حسابها بموقع إنستجرام ردًا على سؤال متابعة: متفقناش مع بعض مش أكتر ومكناش نعرف بعض قبل الخطوبة بوقت كافي إننا نفهم بعض، ففركشنا من غير أي مشاكل وهو شخص كويس جدًا ولحد دلوقتي مفيش بينا غير كل احترام.
وردت علي سؤال حقيقة أهدائها سيارة لها بقول: إحنا اتصورنا في العربية كذا مرة ونزلناها، وهو في حد يجيب هدية لخطيبته عربية G Class؟، محدش جابلي عربية ودي كانت عربية اتصورنا فيها بس ولا بتاعتي ولا بتاعته، هي جاتلنا هدية في فرحنا واتصورنا فيها عادي، وأنا عندي عربيتي من الأول.
يارا تامر: خطوبتي هي اللي شهرتني والناس عرفتني عن طريق مسلم
كما ردت يارا تامر، على إحدى المتابعات التي قالت لها إن مسلم هو سبب شهرتها، بقول: مسلم هو سبب شهرتي والناس كلها عارفة ده، وخطوبتي هي اللي شهرتني والناس عرفتني عن طريق مسلم وأنا مطلعتش كدبت ده ومحدش قال غير كده..وأنا مكنتش بحب جو الشهرة وبحب حياتي برايفيت، بس بعد ما لقيت كلام كتير عني مش صح حبيت الناس تعرف أنا مين وتعرف كل حاجة عني.
عودة مسلم ويارا تامر
وسبق وأن كشف مسلم سبب انفصاله عن زوجته ثم خطيبته ، وذلك من خلال لقائه في برنامج “أسرار” مع الإعلامية أميرة بدر، والمذاع عبر شاشة قناة “النهار”، وأطلق مسلم مفاجأة خلال هذا اللقاء، حيث أعلن نبأ عودته إلى خطيبته، وذلك بعدما حدث الإنفصال بعد مرور 18 يوم على الانفصال، وأوضح مسلم أن ما حدث كان سواء تفاهم فقط.
مسلم: طليقتي بقت مشهورة وعندها فانز..ومتجوزتهاش عن حب
وقال مسلم: “أنا عندي 23 سنة، والناس هي اللي بتدخل في حياتي الشخصية، وأنا حبيت أعلن خبر طلاقي عشان لو في حد موقفش حياتها، وهي مؤخراً بقت مشهورة وعندها فانز، وقعدنا سنة ونص متجوزين، وخلفت ابني هو عنده سنة دلوقتي، وأنا لما اتجوزتها كنت مشهور، وسميت أبني علي اسمي”
وتابع: “الطلاق حدث عشان احنا متفهمناش، وأنا مكنتش متجوزة عن حب، إحنا كنا صحاب الأول وهي كانت بتصورني، وابني بشوفه علي طول، وحياة الشهرة لـ طلاقتي مأثرت عليا، وأنا كنت فرحان ليها جداً، وأنا مطلق من سبع أو تمت شهور”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
مسلم: خطيبتي اختيار من قلبي مش من عقلي
وأضاف: “أنا متسرع عشان عايز علاقة بشكل كويس، وأنا من صغري صعيدي من طهطا، وأنا راجل شرقي، وعشت باقي حياتي في إسكندرية، والمحال بتاعنا يوم فوق ويوم تحت، وحبيت خطيبتي جداً وده كان اختيار قلبي مش عقلي، أنا أول مرة كنت عايز أبني بيت وأبعد عن الناس”.
وأكمل: “البنت اللي خطبتها من بره المجال، وهي إنسانة محترمة ومن غيلة، وكانت بتسمع كلام زي السم من الناس، وخطوبتي متجرحش مشاعر طليقتي عشان إحنا أطلقنا وكان في فترة كافية إني ادخل قصة حب جديدة، احنا أطلقنا ومتمش الإعلان عن الطلاق غير بعد فترة، الطلاق تم بعد سنة من الجواز، وأعلنت عشان أعيش حياتي”.
وأردف: “حسيت مع خطيبتي مع حاجات كتير محستهاش مع اللي قبلها، كان ليا ضهر وحد مخلي باله مني، كان في اهتمام خلاني عرفت إني مكنتش عايش حياة قبل كده”.
مسلم: إعلان خطوبتي كان تسرع مني
وأشار: “إعلان فسخ خطوبتي تسرع مني أنا، وهي عشان بتحبني وبتغير عليا عملت كده، وناس افتكرت إني خطبت عشان ابقي ترند وأضايق طليقتي، وأنا ندمت إني دخلت الناس في حياتي، وأنا كان نفسي أعيش حياتي وأعمل أسرة”.
وأتم مسلم حديثه قائلاً: “أنا عمري ما هحرم أم من ابنها، وأنا رجعت لخطيبتي ومحبتش أعلن عشان هي أنضف من كده، وأنا ناوي أننا نعقل ومنتسرعش في أي قرار، وأنا اللي غلطان من الأول وصعبت عليا نفسي، ولما سبتها زعلت، إحنا فركشنا بعد 18 يوم خطوبة، وأنا مش حابب حد يشمت فيا، وأنا قبل ما أخطب فركشت مع تلت بنات، وأنا بحب خطيبتي 50% وممكن بعدين احبها 100%”.
