كتب: عبد الرحمن صلاح
كشفت الفنانة دينا ويزو من خلال برنامج “بالملك والقلم” عن رغبتها في تقديم عمل درامي بعيدا عن الكوميدي
قائلة: نفسي أعمل دراما، عايزة أثبت لنفسي أني بعرف أمثل لدرجة أن وصل معايا الموضوع إني بحس أن الكوميدي أسهل”.
وأضافت “اكتشفت أن الكوميدي صعب، أنك تبقى قاعد قدام 1200 متفرج وتضحكهم صعب جدا، بس الدراما بتوصل لقلب الناس اكتر خصوصا المصريين بيحبو الدراما”.
رغبة ويزو في التعاون مع المخرج محمد سامي
وكشفت ويزو عن أمنيتها في التعاون مع المخرج محمد سامي، قائلة: ” محمد سامي مخرج حلو حلاوة، أنا مشفتش زي المخرج ده في الدراما، عمري ما اشتغلت معاه وأتمنى إني اشتغل معاه، بيودي الممثل في حته تانية”.
وتابعت: محمد سامي بيخرج من الممثل حاجات مش منطقية أكيد بيقعد يقولهم كلام يشحنهم
تعاون ويزو مع شريف عرفة في “اللعب مع العيال”
وقالت “انا كان حلم من احلامي إني اشتغل مع أستاذ شريف عرفة، ومكنتش مصدقه نفسي لما جالي مكالمة من مكتبه”.
وأضافت: اللوكيشن بتاع أستاذ شريف له قواعد مختلفة عن أي لوكيشن تاني ممنوع الكلام بصوت عالي او الاكل او التدخين انت بتدخل تركز في المشهد بتاعك بس”.
أبطال فيلم “اللعب مع العيال”
ويشارك ويزو في بطولة الفيلم كل من: محمد إمام، أسماء جلال، باسم سمرة، حجاج عبد العظيم، مصطفى غريب والفيلم من إخراج وتأليف شريف عرفة.
