كتبت: نجلاء علاء الدين
اعتذرت المطربة شذى للنجم تامر حسني، بعد تصريحاتها الأخيرة عنه، حيث أكدت أنه لم يقوم بدعمها، ولكن تراجعت عن هذا الأمر وأشارت أن العتاب يكون بمقدار المحبة.
ونشرت شذى عبر حسابها الرسمي بموقع تبادل الصور والفيديوهات إنستجرام صورة لها رفقة الفنان تامر حسني وعلقت عليها قائلة: من غير ما أفكر وأحاول أرتب الكلام أنت أكتر واحد في العالم عارف حبي ليك قد إيه وأكتر واحد برضه عارفني وعارف إني على الله حكايتي ودماغي بتسوحني كتير حقك عليا ودايما العتاب بيكون على قد الغلاوة وعلشان غلاوتك كتير هبّت معايا زيادة متزعلش مني وهتفضل صاحب عمري اللي عدينا مع بعض كتير الوحش قبل الحلو.
شذى: تامر حسني ضيف شرف في حياتي
وسبق وأن تحدث المطربة شذى عن علاقتها بـ تامر حسني، حيث قالت: “سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف،
وتابعت شذى حديثها قائلة: “ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر”.
شذى: الصحاب بيكونوا في ضهر بعض وكنت مستنية ده من تامر حسني
وأتمت: “على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا”.
