ننشر أول صور لضحية عصام صاصا.. ووالدته: مش هتنازل عن حقه

أون مصر

تداول رواد مواقع التواصل الاجتماعي صور لضحية عصام صاصا مطرب المهرجانات المشهور، الذي صدمه بسيارته أعلى الطريق الدائري.

وقالت والدة “ضحية الحادث”، “ابني  كان يسعى من أجل لقمة العيش، ومعاه 4 أولاد والمتهم خبطه بالعربية موّته ولازم ناخد حقه وإحنا مش هتنازل عن حقه”.

وأضافت والدة المجني عليه باكية: “مقدرتش أدخل المشرحة أشوف الجثة بعد ما قالولي ابنك في المشرحة وقعت من طولي ومقدرتش أدخل أشوفه وكان نفسي أشوفه.. الناس بلغوني الصبح إن ابني مات في حادث على الطريق وأهل عصام صاصا كانوا معايا الصبح وأنا معرفهومش وجابوني لحد المستشفى وقعدوا يهدوا فيا ويشربوني ميّة بس مقالوليش إن ابنهم اللي صدم ابني”.

وتابعت والدة المجني عليه: “معرفش هو كان ماشي إزاي؟ شارب ولا مسطول عشان يمشي يدوس ويموت الناس على الطريق لازم يسوق بالراحة لأن أرواح الناس مش لعبة في إيديهم.. ابني طلع على لقمة عيشه وعنده أولاده بيجري عليهم كان طالع بيجري على شغله وكان بيعدي الطريق عشان يروح شغله .. هو عشان مطرب يمشي يدوس ويموت في الناس ومحدش يسأله أنت بتعمل إيه”.

وواصلت: “ابني كان طالع على أكل عيشه.. مش عارفين أولاده هياكلوا منين بعد وفاته إحنا عايزين حق أولاده اللي كان طالع عشان يجيب لقمة عيش عشانهم آخر مره شوفته فيها من أسبوع لإني قاعدة في مصر وهو قاعد في البلد بيروح وييجي كل يوم وهو كلمني الصبح قالي أنا جاي من البلد عشان كان نزل يحضر كتب كتاب حد من قرايبه”.

إخلاء سبيل مطرب المهرجانات عصام صاصا

وقررت النيابة العامة، إخلاء سبيل مطرب المهرجانات عصام صاصا، بكفالة مالية قدرها 30 ألف جنيه، مع العرض على مصلحة الطب الشرعي صباح الثلاثاء لإجراء تحليل المخدرات.

قال مطرب المهرجانات عصام صاصا، عن حادث دهس شخص أعلى الطريق الدائرى خلال التحقيقات: أنا بريء من دمه وعمره خلص قبل وصول الإسعاف وهو اللى غلطان، موضحاً بأنه لم يهرب من مكان الحادث وسلم نفسه إلى رجال الشرطة، قائلا: «أنا مهربتش من مكان الحادث وسلمت نفسي».

وأضاف عصام صاصا، خلال التحقيقات التى أجريت معه؛ «أنا كنت ماشي على الطريق ولما ظهر قدام الضحية فجأة واصطدمت به وقفت مكانى بموقع الحادث وطلبت على شرطة النجدة وطلب الإسعاف ، ولكن روحه طلعت قبل وصول الإسعاف والأعمار بيد ربنا وأنا بريء من دمه غصب عني».

عصام صاصا: روحت على القسم ومهربتش من مكان الحادث 

وأوضح عصام صاصا : «الإسعاف أخدت الشخص اللى صدمته والناس اجمعت حوليا كتير وأنا معرفتش أعمل ايه و روحت على القسم ومهربتش من مكان الحادث وفضلت موجود وتعملى محضر فى قسم الشرطة ».

وقال صاصا أمام جهات التحقيق: أنا مكنش قصدي أموته، وهو كان بيعدي الشارع من مكان غير مخصص لعبور المشاة في طلعة وصلة المريوطية من الطريق الدائري، وأنا كنت جاي من المعادي والحادثة حصلت الساعة 7 ونص، وحاولت أنقذه وقفت لحد الشرطة ما جت ومهربتش.

عصام صاصا: كنت سايق على سرعة أقل من 70 

وأضاف: وكنت سايق على سرعة أقل من 70 وميكروباص أبيض بسقف عالى ماشي أمامي والمجني عليه ظهر فجأة أمامي.

واستكمل: وفي الحادثة كان معايا 2 من أصدقائي واحد قاعد جنبي والتاني في الكنبة الخلفية، والمجني عليه ظهر فجأة قدامي في لحظة وخبط في زجاج السيارة، وصحبي اللي كان قاعد جنبي أصيب بشدة، ومرضتش أهرب وحاولت إنقاذه لكن لقيته بيطلع في الروح وتوفى في ثواني.

نص محضر الشرطة في واقعة مطرب المهرجانات عصام صاصا

فتح محضر الشرطة بمعرفتنا وبسؤال واستجواب المذكور أجاب:

اسمك وسنك وعنوانك؟

ج: عصام طه طلعت وثابت البيانات الشخصية بموجب رقم قومي
:
مقيم بعنوان: حدائق الأهرام

س: ما تفصيلات الواقعة؟
ج: اللي حصل أنا كنت راجع من الشغل وأمام بنزینة توتال اتجاه السياحي قبل المريوطية فوجئت بشخص يعبر الطريق الدائري فجأة وحاولت اتفادى ولكن معرفتش وهو ده اللي حصل.

س: متى وأين حدث ذلك؟

ج: النهارده أعلى دائري المنيب دائرة القسم

س: هل كان بإمكانك تفادي الحادث؟

ج: لا لأنني فوجئت به مرة واحدة أمامي

س: ما هي السرعة التي كنت تقود بها السيارة؟
ج: حوالي 70 كيلو

س: هل قمت باستخدام آلة الفرامل والتنبيه؟
ج: ايوه
س: ملك من السيارة؟
ج: أنا
س هل أنت مسئول عن أقوالك؟
ج: ايوه

س: منسوب إليك قيادتك السيارة برعونة مما تسبب في وقوع الحادث؟

ج: محصلش

س: هل لديك أقوال أخرى؟
ج: لا

ملاحظة: تم إيداع السيارة ماركة شيفروليه كامارو بجراح السيارات الخاص بالقسم الشرطة.