كتب: عبد الرحمن صلاح
علقت الإعلامية مي حلمي، على صورة الفنان عمرو دياب والفنانة بسمة بوسيل، بطريقة غير مباشرة.
وقالت في مقطع فيديو من خلال خاصية القصص القصيرة بموقع انستجرام: “أنا مكنتش هعمل الفيديو ده بس أنا قريت خبر استفزني فكان لازم أتكلم، الخبر هو إن عمرو دياب الستيني بيغازل واحدة عندها 30 سنة.. معرفش بيغازلها ازاي بـ البكيني”.
مي حلمي: الناس بتقف طوابير عشان تتصور مع عمرو دياب
وتابعت: “أول حاجة عمرو دياب الناس بتقف بالطوابير علشان تتصور معاه والبودي جارد بيبقى معه طول الوقت وأي حد بيحاول ياخد أي صورة وهو قاعد براحته أو مع صحابه بيتم منعه”.
وتساءلت: “ازاي بقى حد هياخد صورة إلا لو أنا بعتاها للصحافة عشان تنشرها.. وأنا بدافع عنه علشان صاحب جوزي وأنا حرة”.
مي حلمي: شيرين رضا قالت أن اللي بيتزقوا في بيكونوا رخاص
وأردفت: ” اللي مضايقني إن الاحترام مبقاش موجود لما تيجي واحدة تتصور مع واحد مشهور علشلن تغيظ طليقها.. احترمي اسم طليقك.. احنا شايفينك وأنتي رايحة تتصوري معاه.. هي شيرين رضا كان معها حق لما قالت إن اللي بيتلزق فيه بيكونوا رخاص”.
واختتمت حديثها قائلة: “أنا بدافع عن الراجل اللي قلتي إنه بيغازلك هو مش بيغازل حد.. انتو اللي بتيجوا عنده تتلزقوا في”.
صورة بسمة بوسيل مع عمرو دياب
وانتشرت صورة على مواقع التواصل الاجتماعي خلال الايام الماضية للفنانة المغربية بسمة بوسيل، طليقة الفنان تامر حسني، مع الفنان عمرو دياب، في الساحل الشمالي.
وظهرت بسمة بوسيل في الصورة، وهي تقف بجوار عمرو دياب، ممسكة بيده، وهما يقفان على أحد شواطئ الساحل الشمالي
وكانت ترتدي ملابس البحر.
