نجت المذيعة ومقدمة البرامج مي حلمي من فخ الوقوع ضحية في برنامج المقالب رامز جاب من الآخر والذي جرى تقديمه هذا العام في رمضان 2024 من
جانب الفنان رامز جلال.
وكان من المقرر أن يشارك مي حلمي في الحلقة طليقها المطرب محمد رشاد موضحة أنها لا تظهر في برامج مقالب حتى لا تتعرض لمواقف صعبة.
وقالت مي حلمي في تصريحات تلفزيونية: أنا بحب رامز جلال لكن لو هو بيقعد في السعودية أو الإمارات شهر أنا قاعدة هناك طول السنة.
وتابعت: أكيد الكواليس عندي ولما كلموني طلبت رقم معين 25 ألف دولار وفي ناس يا حرام مكنتش عارفة الموضوع إيه وقالولهم انتوا تاخدوا بالمصري.
وعقبت: أنا اللي فرق معايا الميزانية وإن هو ميبقاش برنامج مقالب.. في الأول اتقالي إنه مش برنامج مقالب فقلت استحالة مصدقش.
واستطردت: سألتهم المفروض ألبس إيه بعتولي برنامج تاني حاجة مختلفة بيلعبوا لعبة وسألتهم عايزني ألبس كاجوال ليه وبدأت أعمل بحث عن الموضوع
طلع زي ما توقعت.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
وعن فكرة البرنامج قالت: المقلب إن انت تجيبلي حد أنا على خلاف معاه أنا استحالة أقوله صباح الخير دي وحشة في حقي جدا ولا أنا هقبلها ولا أنا مستنية
فلوس.
وواصلت حديثها قائلًة: ناس كتير جدا قالتلي كنتي روحتي وأخدتي الفلوس قلتلهم متلزمنيش أنا بعمل في نص ساعة إعلان بـ25 ألف درهم مش محتاجة
الفلوس دي في أي حاجة والناس شاهدة على الكلام ده.
وعن وجهة نظرها في البرنامج قالت: البرامج دي مش هدفها صلح، كل مذيع بيهمه برنامجه والمشاهدة كل سنة هتبقى عايز تكون أعلى من اللي قبلها
فاستحاله تقولي مصلحتي أهم من مصلحتك.
ونوهت تقول: هو أنا صغيرة مستينة حد يصالحني على حد وإنت مين عشان تصالحني هو أنا معنديش أهل أو أصحاب هاجي اتصالح على الشاشات، كنت
عملتها قبل كده وخدت فلوس كتير.
يذكر أن برنامج رامز جاب من الآخر تم عرضه في رمضان 2024 وظهر فيه عدد كبير من النجوم منهم أحمد السقا، سمية الخشاب، باسم سمرة، حمدي المرغني،
آيتن عامر، حسن شاكوش، نجلاء بدر، أحمد حسام ميدو، حمادة هلال، محمد رياض، باميلا الكيك، محمد شاهين، حسن عسيري، وغيرهم.
