كتبت: نجلاء علاء الدين
كشفت النجمة ميسرة وقفها من مشاهد الأغراء، وذلك خلال اقتئها في برنامج “شاي بالياسمين” التي تقديمه الإعلامية ياسمين الخطيب ويعرض على قناة “النهار”.
وقالت ميسرة:”أدوار الإغراء اللي عملتها في الأفلام كانت موظفة وقت ما جت بشكل كويس..حاولت أهرب من مشاهد الإغراء كتير ورفضت أفلام كتير فيها إغراء مبتذل مفيهاش قصة ولا حوار هما عايزين يطلعوا واحدة بتغري وبترقص علشان يعملوا فلوس”.
وتابعت: “أنا مش عايزة أعمل إغراء لمجرد الإغراء ولكن لازم يبقى فيه قصة وموضوع، ولو مشهد فيه عري وبوس بس متوظف صح في القصة أوافق عليه”
ميسرة: بوسة الزعيم عادل إمام في فيلم بوبوس كانت حقيقية
وأكملت: “بوسة الزعيم عادل إمام في فيلم بوبوس، كانت حقيقية ومش ندمانة عليها، ومش فاهمة يعني إيه سينما نظيفة..ممكن تكون السينما بدون ابتذال بس مفيش حاجة اسمها نظيفة”.
ميسرة: في مشاهد جريئة كتيرة ولكن مش معنى كده إنها مبتذلة
وتطرقت ميسرة للحديث عن بعض الأفلام الجريئة ومنه فيلم ” المذنبون، وثرثرة فوق النيل”، وأكدت أن الفلمين ينسبون لمصطلح السينما النظيفة.
وقالت ميسرة: “فيه فيلم جريء جدًّا في السبعينيات للفنانة سهير رمزي اسمه المذنبون قصة الأديب الكبير نجيب محفوظ، وكل ثلاثة أرباع أحداث الفيلم تدور في شقة ليها علاقات مشبوهة وبنشوف القيادات اللي موجودة عندها فنفهم إزاي المجتمع ده فاسد إزاي ويدار ازاي، وفيه مشاهد جريئة كتيرة ولكن مش معنى كده إنها مبتذلة لكنها تدور حول قصة معينة واعتبر العمل سينما نظيفة”.
وأتمت حديثها قائلة:”فيلم ثرثرة فوق النيل سينما نظيفة رغم أنه يحمل مشاهد جريئة ولكن ضمن قصة ومضمون، المهم الموضوع إيه وما جابش مشاهد إغراء أو جنس علشان أنا عايزة أعمل مشاهدة ولكن لازم تبقى في سياق حدوتة”.
