كتبت: نجلاء علاء الدين
تحدثت النجمة منى زكي عن صعوبة الخلفة بعد سن الـ 40، كما كشف عن معاناتها في تربية نجلها الأصغر، وذلك من خلال لقائها مع الإعلامي عمرو أديب في بودكاست “بيج تايم”، المذاع عبر شاشة قناة إم بي سي مصر خلال شهر رمضان.
وقالت منى زكي: “الخلفة بعد الـ 40 سنة صعبة أوي ومخيفة، لأن مبتبقاش ضامن هتعيش معاهم قدي إيه، وتوصلهم لأي مرحلة، وبتبقى عايز تديهم كل حاجة لأنك مش عارف الوقت ده قد إيه، إنك تحاول تبسطهم ده مجهود رهيب في الأربعينات ومش سهل، مفيش نفس الطاقة لكن في حنية وفهم أكثر”.
منى زكي تكشف صفات أبنائها
كما كشفت منى زكي صفات أبنائها قائلة: “بنتي في الجامعة وهي فنانة بترسم وأنا فخورة بيها، وعندنا واحد هو عادل ابن الناس الكويسين في فيلم سهر الليالي، سليم اللي عمره 9 سنين، دكتور في نفسه ومهذب أوي وحساس وذوق جدا”.
وأكملت منى زكي حديثها عن نجلها الأصغر قائلة: “ده بلطجي خالص ومخوف البيت كله، وكفاية نظرته وإنك مش متوقع أبدًا رد فعله، وكان عندنا صعوبة في التعامل، وأنا شخصيًا كان عندي صعوبة، روحت لحد يقدر يساعدني والموضوع اختلف خالص”.
وأتمت منى زكي حديثها عن نجلها قائلة: “علموني إني لازم الأول أسمعه، وبعدها أفهمه ليه مش هنعمل اللي هو حاسس به، لكن بهدلني سنتين لغاية ما عرفت أتعامل معاه”.
منى زكي: التحرش يبدأ من النظرة..ومافيش ست مبتحسش بالخيانة
وتحدثت مني زكي عن التحرش التي تتعرض لها السيدات قائلة: “نادر لما الراجل يأخد براءة في قضايا التحرش، والأهانات التحرشية بتقتل الست وبتكون من الطفولة، ولازم أي ست يحصلها حاجة متسكتش، عشان لأزم تأخد حقها، مافيش غلط هيقف من غير ما نتكلم”.
أما بشأن شعور المرأة بخيانة وزجها، فقالت مني زكي: “دايما بتحس لما جوزها بيخونها، ولو عمل ناصح وعامل مراته حلو الست هتعرف بردو، ولو معرفتش أخر الموضوع هتشك، وأنا محصليش ده، الخيانة بالنسبالي هي خيانة مشاعر، ولو المشاعر أتغيرت وحصل خيانة يبقي خلاص، لما تحب وحدة تانية وعينك تلمع لما تشوفها”.
