حددت محكمة الاستئناف بالقاهرة يوم 2 سبتمبر المقبل؛ لنظر أولى جلسات محاكمة المتهمين في قضية مقتل طبيب الساحل أمام جنايات الدائرة الأولى، برئاسة المستشار عبد الغفار جاد الله.
تحقيقات قضية مقتل طبيب الساحل
وأمرت النيابة العامة بإحالة أحمد شحتة طبيب بشري وامرأة تربطه بها علاقة زواج عرفي تدعى إيمان، وأحمد فرج مشرف إداري يعمل بعيادته، إلى محكمة الجنايات بعدما انتهت تحقيقاتها معهم إلى ثبوت اتهامهم بجناية قتل الطبيب عمدًا مع سبق الإصرار المقترنة بجنايات خطفه بالتحايل، وسرقته بالإكراه، واحتجازه دون وجه حق، وتعذيبه بدنيا قبل القتل؛ لرغبتهم في الاستيلاء على أمواله، بعدما أوعز إليهم الطبيب المتهم بذلك لمعرفته بالمجني عليه وعلمه بثرائه.
واستمعت جهات التحقيق لشهادة نورا على إحدى ممرضات الطبيب أحمد شحته، والتي عملت معه في عيادة الخلفاوي وعيادة الوراق، وكانت شاهدة على كثير من الأحداث وجاءت شهادتها كالآتي:
اسمي نورا على، 38 سنة، حاصلة على دبلوم تجارة، وأنا أرملة، وأنا اتولدت في وراق العرب محافظة الجيزة، وابويا مات من حوالي سنتين وأمي ست بيت وليا أخين وأختين ومعايا دبلوم تجارة، واتجوزت مرتين المرة الأولى اطلقت والمرة الثانية جوزي توفى، ومعايا بنت عندها 14 سنة وابن 18 سنة من جوزي الأولاني، ومكنتش بشتغل في البداية لكن بعد ما جوزي التاني اتوفى في 21 سبتمبر 2019، اضطريت انزل اشتغل في صيدلية جنبنا، وفضلت شغالة بياعة فيها لمدة 8 شهور، وسبتها بعد كدة لأني كنت باخد مرتب ضعيف وكان 700 جنيه تقريبا، وبعدها اشتغلت لمدة سنتين في عيادة دكتور قلب في بشتيل.
وأضافت ممرضة الطبيب أحمد شحتة المتهم الأول في واقعة قتل طبيب الساحل الدكتور أسامة صبور: لما أبويا اتوفى، أمي نفسيتها تعبت وجالها الغضروف، فاضطريت أسيب الشغل خالص عشان أراعيها ولما موضوع وخدتها وطلعت بيها على معهد ناصر عشان يكشفوا عليها، وأجبلها قرار على نفقة الدولة عشان تعمل عملية الغضروف، وبعد ما جبتلها القرار عملولها العملية، وكان معاهم دكاترة صغيرين في السن وهما أسامة الله يرحمه وأحمد شحته اللي أنا بعد كدة اشتغلت في العيادة عنده.
وتابعت الشاهدة في واقعة مقتل طبيب الساحل: موضوع الشغل ده جه بالصدفة، لأني سألت أحمد شحتة على شغل في العيادات، ففوافق إنه يشغلني معاه في عيادة الخلفاوي مقابل ألف جنيه في الشهر لأني كان معايا اتنين سكرتارية واحدة اسمها رحمة والتانية نجوى، لكن بعد ما مشيوا أنا بقيت باخذ ألفين جنيه، وعرفت لما اشتغلت عنده إنه فاتح عيادة ثانية في البساتين اسمها مركز نوران ماسكها شاب صعيدي اسمه أحمد وإنه عنده مستشارة اسمها إيمان ماسكاله تراخيص العيادات بتاعته وانها مستشارته القانونية.
وواصلت: أنا فضلت ماسكة عيادة الخلفاوي لوحدي لحد ما في أول مايو اللي فات فيه واحدة جت اسمها آية واشتغلت سكرتيرة معايا في عيادة الخلفاوي وفضلت معاها شهر عشان أعلمها الشغل، وكنت خدت بالي إن أحمد شحتة لزق مشمع على أرض أوضة المعمل وفضاها من كل حاجة ماعدا التلاجة والكرسي واللي كان حاططهم على أطراف المشمع وخدت بالي برضوا أنه كان رامي في البلكونة اشولة رتش مشوفتهاش قبل كده.
