كتبت: نجلاء علاء الدين
علقت الفنانة مها أحمد، على أزمة غضبها من أحمد السقا وأمير كرارة، أثناء عرض مسلسل “نسل الأغراب”، وأكدت أنها أساءت استخدام السوشيال ميديا حينها، وذلك خلال استضافتها ببرنامج “أسرار” مع الإعلامية أميرة بدر المذاع على قناة النهار.
حيث قالت: “الغضب مخسرنيش السقا وكرارة، ومقصدش أزعل أحمد وأمير، وساعتها مقللتش منهم، والسقا أخويا ولو شاف حاجة معجبتوش فيا بيقولي، لكني غلط إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا، ولما لقيت الناس عاملة أكونتات فيك قلت لا أعمل أكونت خاص ليا، وقلت أقعد افضفض مع نفسي عالسوشيال، نمت صحيت لقيت الدنيا مقلوبة عليا، واكتشفت أن في ناس في السوشيال بتكرهك أكتر ما بتحبك”.
مها أحمد تتحدث عن أزمتها مع السقا وكرارة
وتابعت مها أحمد: “كبريائي معملتش حاجة تستاهل إني اعتذر لكرارة والسقا، ومجدي عاتبني وقالي كنتي قولتيلي أو فضفضتي معايا الأول، وكان ممكن اشيل البوست اللي عملته لكن لقيت في توابع فيها تطاول، فقررت مش هشيله، وكل الفنانيين كانوا محايدين حتى النقابة، في فنانات ومذيعات مرتزقة كتبوا شكر للسقا وكرارة، على أساس إني بنت البطة السودة”.
وأتمت حديثها عن هذا الأمر قائلة: “اللي فرق معايا 3 أشخاص، واحدة قعدت تشكر ف المسلسل وبعدها كلمتني ، والتانية معروف إنها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟، وأنا معاتبش حد بالعكس هسيبه على عماه”.
تفاصيل برنامج أسرار لـ أميرة بدر
برنامج “أسرار” تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
