«مع كل جون في الزمالك كان بيديني علقة ، كنت بخاف أحط الغداء ساعة الماتش لنادى الزمالك ..عشان عارفة اللي هيجرالي » كلمات عبرت بها سيدة عن مأساة لها مع زوجها .
وتقول« ليلى. أ» 40 سنة ، أمام محكمة الأسرة بمدينة نصر ،بانها متزوجة من موظف فى شركة الكهرباء، إرتطبت به بعد قصة حب مثل أى فتاة من جيلى ورزقنا بـ ولد وفتاة ، هما كل حياتنا ، ولكن الحلو ما يكملش زوجى زملكاوى متعصب بيكر النادى الأهلى ، وكل ما يكون فى مباراة والزمالك يتهزم يبقى يومك أسود عليا ، ضرب وإهانة وسوء معاملة حتى تحولت حياتى الى جحيم .
وتضيف الزوجة : «مرة كسر عليا كوبايات النيش .. ومرة شاشة التليفزيون لحد ما رفعت عليه قضية وحصلت على حكم حبس ضده بتعدى وصلة تعذيب تعرضت لها ».
وتشرح الزوجة أمام المحكمة بانها حضرت اليوم لرفع دعوى طلاق للضرر؛ جوزى مستعد يشجع أى نادى أو فريق ما عدا النادى الأهلى ، بالرغم انه وعدنى قبل الزواج أن مستحيل الخلاف بينا على تشجيعى لنادى الأهلى الى الخلاف داخل المنزل أو يأثر على حياتنا الزوجية ».
واستطردت قائلة : «وأي ماتش كان ييجي فيه جوون في الزمالك ..مكنش بيقدر يتماسك أعصابه ويفشي فيها غليله ووصل الى التعدى بالضرب والركل ، لما يلاقينى فرحانة إن النادى الأهلي كسب وده كان بيستفزه لحد ما الموضوع تطور وبقى بيكسر عليها كوبايات النيش ومرة تانية كسر شاشة التليفزيون ».
واختتمت السيدة حديثها، بانه حررت محضر فى قسم شرطة مدينة نصر ضد زوجها بالتعدى عليها وحصلت على حكم بحبسه لمدة سنة .
من جانبها قالت دفاع مقيمة الدعوى المحامية نهى الجندى ،الحقيقة إن حكاية زي دي فعلاً غريبة وبقت الكورة سيطرت على العقول البعض وتخرب بيت أسرة.
