كتبت: نجلاء علاء الدين
هاجم نقيب المهن الموسيقية الفنان مصطفي كامل الناقد الفني طارق الشناوي، بسبب آرائه حول أداء نجوم الوسط الفني، وأكد مصطفى كامل أنه يرفض كافة طرق النقد الذي يتحدث به الشناوي، وذلك من خلال لقائه مع الإعلامية بسمة وهبة في برنامج “العراقة”.
مصطفي كامل يهاجم طارق الشناوي
وقال مصطفي كامل: “درس أي اللى هتعمله من طارق الشناوي، أي حاجة طارق الشناوي يقولها والناس تقول عكسها ده شرف كبير ليا، وأنا أتمني ميكنش ليا أي علاقة بي بسبب أي حاجة بيعملها فيا أو في زميلي في الوسط الفني، وأنا لما أبقي قاعد في بيتي وقاعد عمال اشتم في الناس واهنهم فأنا مبحبش الطريقة دي”.
وتابع: “يا طارق يا شناوي كل ما الاقيك بتهاجم زميل ليا بشكل لا ينتمي للنقد الهادف البناء أنا هقفلك بصفتي نقيب موسيقيين مصر، وكرسي النقيب ملجمني عن الرد على أوضاع كتير مائلة، وأنا بأخذ برأي أي حد غير طارق الشناوي”.
تصريحات مصطفي كامل
وتطرق مصطفى كامل للحديث عن طلب نقيب الصحفيين خالد البلشي بالتحقيق مع محمد فؤاد موضحاً ما حدث حيث قال: “خالد البلشي بعتلي خطاب عشان احقق مع محمد فؤاد بعد حلقتي معاكي السنة اللي فاتت، وأنا لما كلمته قولتله أنت بعتلي أحقق مع زميلي بعد ما الراجل شتمه، وأنا أرفض إيذاء أي حد أثناء فترة وجودي، وأنا مقبلتش شتيمة على مطرب مهرجانات”.
