كتبت: نجلاء علاء الدين
تحدث نقيب المهن الموسيقية مصطفي كامل عن تواصله مع نجل حلمي بكر، أثناء عودته إلى مصر بعد وفاة والده، وذلك خلال لقائه في برنامج “العرافة” الذي تقدمه بسمة وهبة عبر شاشة قناة “النهار”.
وقال مصطفى كامل: “هشام حلمي بكر قال أبوس ايديكم محدش يدفن أبويا لحد ما اجي، وأنا قولت لي ابعت رسالة صوتية وأنا بدور النقابة هظهرها في الإعلام، وبعتلي صورة مبتسم قولتله مش هينفع الصورة دي تظهر في الإعلان، وأخوه الأستاذ فتحي قالى أنا عايزة أخويا يدفن”.
مصطفى كامل: علاقتي بحلمي بكر كانت عن طريق نادية مصطفي
وتابع مصطفي كامل: “أنا ونادية حسيت أن في حاجة مش مضبوطة، خمس أطراف كل واحد بيقول حاجة غير التاني، وأستاذ مرتضى باعتباره موكل عن هشام خد الإجراءات اللازمة”.
وأكمل “أخواته قالوا إنهم زاروه مرة في الشرقية، وعلاقتي بالأستاذ حلمي بكر كانت عن طريق نادية مصطفى، وأنا كنت منقطع عن أي خبر يخص الأستاذ حلمي”.
وتابع: “رفضت الحديث مع نجل حلمي بكر لأنه كان موجود في مصر ومسألش على أبوه، وهو لما كلمني قولتله أنت أولى بأبوك من أي حد، وقالي انت واخد عني فكرة غلط وأنا عايز أقعد اتكلم معاك”.
مصطفى كامل: حلمي بكر كان بيرجع لمراته عشان بنته
وأضاف: “قولت لابن حلمي بكر من فضلك انزل لأبوك بسرعة عشان كلنا نبقى في ظهرك.. وأنا بعتله رقم مرتضى منصور عشان يكون مع حد قانوني”.
وأكمل: “حلمي بكر كان بيرجع لمراته عشان بنته، وأنا كنت بيص في عينه عرفت أن بنته هي نقطة ضعفه، ومكنتش بحس أنه بيتكلم عن بنته، وكان في ناس كتير بتلومه على الأساس ده، وكان بيحب يحكي عنها كتير وهي كانت هدفه في الحياة، اللي ملقهوش مع الستات حاول يلاقي مع بنته الصغيرة”.
وأتم “ربنا يعلم مين اكتر حد حزين على حلمي بكر لحد دلوقتي، وأنا واخد عهد على نفسي من 6 شهور، إني متدخلش في أي أمر يخص الأستاذ حلمي عشان تعبت من اندفاعي من حبي لي، وبعدين هو تهاون في حق نفسه”.
