روى مطرب المهرجانات مسلم كواليس ابتعاده عن الله والعبادة خلال الفترة الحالية، لاسيما وأنه كان مسؤولًا عن أحد المساجد بجوار منزله وإمامته بالمصلين.
وقال مسلم في تصريحات تلفزيونية: زعلان إني مبقتش بصلي ولكن غصب عني مسحول في الغناء، كما فاجئ الإعلامية أميرة بدر على الهواء مباشرة، بتأديته للآذان خلال حلقته معها في برنامج “أسرار”.
وكشف أنه كان يؤم المصلين في مسجد بجانب منزله، ققال: عرفت إن صوتي حلو من وأنا عندي 8 سنين وابتديت أأذن وأكون مسؤول عن الجامع اللي جمب بيتي وافتحه للناس.
وتابع: كنت بغني لحد قبل ما اتدين وكده، ولكن صوتي بقى كويس بسبب تجويد القرآن لأنه بيحسن الصوت.
وأضاف مسلم: أنا اتبهدلت أوي عشان أرجع أغني وكان حلمي أوصل بموهبتي لهدف أقول إني هوصل وهعمل ده، بغض النظر عن تقديمي للقرآن، ومبقتنعش بكلام الشيوخ إن الغناء حرام.
وتابع: الدين بتاعنا ده دين الأخلاق وربنا هيحاسب كل واحد على نواياه، ممكن أصلي ولكن في حاجات بتفوتني ومش زي الأول وبتمنى ربنا يهديني وأرجع تاني.
وعقب مطرب المهرجانات قائلًا: شغلي السبب في كده وده غصب عني وكفاية مسحول في حوار الجواز والخطوبة.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
برنامج “أسرار” يعرض يوميًا على شاشة “النهار ” تستضيف خلاله الإعلامية أميرة بدر، عددًا من نجوم الفن والرياضة والسياسة والمجتمع، في تمام الساعة التاسعة والنصف مساءً.
