كتبت: نجلاء علاء الدين
هاجمت الإعلامية مروة صبري، والدة مطرب المهرجانات الشعبية مسلم، واتهمتها بأنها تستغل شهرة نجلها من أجل صناعة التريند.
وأوضحت خلال برنامجها قعدة ستات، أنه كان من الأفضل أن تتحدث مع نجلها عن طريق الرسائل بعيدا عن وسائل التواصل الاجتماعي.
وقالت مروة صبري: هل ينفع إن أنتي تطلعي تفضحي ابنك على كل المواقع، تفضحي ابنك اللي هو المفروض مشهور وليه جمهور والناس تعرفه أكثر حاجة بتضايقني فكرة إني أستغل شهرة بني آدم وأطلع أتكلم”.
وتابعت: “الكلام ده ممكن يحصل من الغريب أو من أي حد عايز ياخد التريند فيطلع يتكلم عنه مفيش مشكلة، ولكن الأم تطلع تتكلم على ابنها وتتكلم عن تفاصيل وأسرار بينها وبين ابنها دا في حالة أنها صح طيب ما تكلميه في التليفون وتعاتبيه أو تبعتيله رسالة أو ابعتيله ابنك التاني وتقوليله أمك غضبانه عليك أحسن ما كنتي تخلي سيرته على كل لسان أحسن ما كنتي تطلعي ابنك تريند بالمنظر ده”.
والدة مسلم لـ “أون مصر”: ابني كداب ورافض يزورني في المستشفى وهو سبب مرضي
وفي وقت سابق، كشفت والدة مسلم مؤدي المهرجانات، تفاصيل حالتها الصحية، بعدما نفى ابنها دخولها المستشفى، مؤكدة رفضه زيارتها خلال وجودها بالعناية المركزة.
وقالت والدة مسلم لـ “أون مصر” : “ابني كداب.. المشاكل الأخيرة بينا اتسببت في مرضي، ضغطي كان عالي و حصلي إغماء واتنقلت للمستشفى عشان اشتباه في جلطة وفضلت في العناية المركزة”.
وأضافت: “المحامية تواصلت معاه و عرفته إني في المستشفى رفض يزورني وكان عارف إني في العناية، مسألش عني.. الحمدلله حالتي الصحية أحسن”.
وأكدت والدة مؤدي المهرجانات، عدم صحة تصريحات مسلم الأخيرة لـ “أون مصر” إذ قالت: “كل كلامه كدب ربنا يكفيه شر نفسه، لكن حالتي الصحية دلوقتي أحسن، هو عامل مشاكل مع العيلة و اخوه الكبير”.
