كتبت: نجلاء علاء الدين
تحدث الفنان محمود ياسين جونيور، عن العقابات التي يواجهها في حياته بسبب اسم جده الراحل مؤكدا أن صلته بعائلة فنية تسبب له ضغطا كبيرا، حيث يرغب في كل الأوقات في تقديم أفضل ما عنده.
وقال محمود ياسين جونيور خلال تصريحات خاصة لـ “أون مصر”: “اسم محمود ياسين معروف وأنا مش محتاج ابنيه لأنه معروف للناس كلها.. وأنا بتمنى دايما أكون عند حسن ظن الناس لأني بحب الشغلانة دي.. وهدفي إرضاء الجمهور”.
محمود ياسين جونيور: اسم جدي عاملي ضغط كبير
وتابع:”اسم محمود ياسين مينفعش يكون عبء ولكن مسببلي ضغط كبير.. لأن لأزم أكون قد الاسم ده عشان كده بسعي وبتعب لأني مسئول عن تاريخ فني للعيلة”.
وأكمل جونيور حديثه قائلا: “جدي دايما كان ينصحني بالتركيز والتفرغ للشغل وإني أكون حابب الدور اللي بشتغله.. وأنا كان نفسي أستفيد من خبراته ولكن هو ملحقش يشوف دوري غير في الفتوى ونصيبي وقسمتك”.
محمود ياسين جونيور: متأثر بجدي في الطباع الأنسانية
واختام محمود ياسين جونيور حديثه: “مش سهل يكون فيك حاجة من محمود ياسين.. ولكن أنا متأثر بيه في الطباع الانسانية”.
