كتبت: نجلاء علاء الدين
كشف الفنان محمد هنيدي، كواليس مقلب صنعه في جارته “الحامل”، تسبب لها في فقدان جنينها ، بعد سنوات لها من المعاناة مع تحقيق حلمها في الأمومة، مؤكدا أن هذا الموقف أثر حينها على نفسيته بالسلب.
وقال محمد هنيدي خلال لقائه مع أنس بوخش في برنامج “AB talks”: “قصة أن واحدة جارتنا سقطت بسببي بعد سنين من صعوبة الحمل حقيقية.. والحمدلله هي دلوقتي عندها رجالة.. وإن شاء الله ربنا يكون غفرلي.. أنا واحد صحبي جابلي وش كان وحش اوي لبسته هو وعباية سوداء وروحت عملت مقلب في والدة صحبي.. وأنا راجع عديت علي جارتنا كنا بنعتبرها والدتنا وفي عيد الأم كنا بنجيب ليها هدايا.. هي وقتها كانت بتغسل المواعين وأنا ندهتلها راحت اغمي عليها.. وقتها جريت علي خالتي في إسكندرية.. ووقتها حصلت مشاكل كتير وأدبع 200 عجل.. وأنا رجعت بعدها بفترة صالحتها.. ودي من الحاجات المؤذية اللي جمعتها”.
محمد هنيدي: الناس كانت بتجري ورايا في إمبابة بعد عرض 5 حلقات من مسلسل البخيل وأنا
وتحدث الفنان محمد هنيدي عن بدايته في عالم الفن قائلا:”زمان أنا كنت مستعجل دلوقتي بفكر أهدا بكتير والحمدلله أنا في نعمة كبيرة دلوقتي.. أنا جاي بعد 4 بنات وجدي كان فرحان بيا.. والشقاوة بتاعتي كانت تمثيل أنا كنت بعمل مقالب في الناس وبضحك حتي لو حصلت كارثة.. أنا بدأت أمثل وأنا عندي 20 سنة.. والدي وافق لما لقي الناس بتجري ورايا في الشارع في إمبابة بعد 5 حلقات من مسلسل البخيل وأنا.. وأمي كانت الحكاية في كل حاجة”.
وتابع: “أنا كنت في حقوق وأبويا كان شيفني وكيل نيابة.. وأنا صدمته عشان أترفدت من الكلية.. وأمي كانت مؤمنة بيا.. ولما قولت لـ أبويا همثل قالي ربنا معاك وبعدين قالي انت كومبارس.. وأول مرة يتفرج عليا اتفرج علي حزمني.. وده كان أسعد يوم في حياتي”.
وأكمل:”كنت بلعب كورة لحد تانية ثانوي.. وبعد ما دخلت الجامعة طلعت علي المسرح عشان أجرب.. أنا أكتر واحد اترفد من التعليم في الدنيا.. أترفدت من كلية حقوق بعد سنتين خدت فصل نهائي واترفدت من معهد السينما من أول سنة.. ومتقبلتش في معهد فنون مسرحية”.
