أجاب الشيخ محمد كمال، أمين الفتوى بدار الإفتاء المصرية، على سؤال متصلة حول: “حلفت بالله كذبا ومعرفش ليه عملت كده”؟.
وأوضح أمين الفتوى بدار الإفتاء المصرية، خلال حلقة برنامج “مع الناس”، المذاع على فضائية “الناس”، اليوم الثلاثاء: “عندنا الإيمان يمين لغو ويمين منعقدة، اللغو اللى هو مش عازم النية على الحلف، يعنى واحد بيقول لواحد والله تيجى تتغذى معانا، هنا مفيش عليه كفارة”.
يمين منعقدة
وتابع: “يمين منعقدة، هو واحد بيحلف على أمر على عكس الحقيقة وهو عارف إنه يكذب، هو كده عليه التوبة والاستغفار ولازم يطعم 10 مساكين، أو صيام 3 أيام متواصلة”.
الكذب حرام شرعا
وأضاف: “الكذب حرام شرعا، ولا يجوز على المؤمن الكذب مهما كانت الأسباب، وسيدنا النبي صلى الله عليه وسلم، قال: (المسلم لا يكذب)، وبالتالى يمكن استخدام التورية حتى لا نتورط فى الكذب، بمعنى لو حد بيسألنى فلان عندك فى المكتب، وهو فعلا موجود، أقوله يمكن فى المسجد، وهو فى المكتب بس أنا هنا لم أكذب”.
