كتب – شادي اللاوندي:
حرصت الفنانة ليلى علوي على حضور ندوة الفنانة يسرا التي أُقيمت على هامش فعاليات مهرجان الجونة السينمائي بدورته السادسة
وتحدث ليلى علوي عن يسرا قائلة : هي إنسانة خيرية جدًا مش بس بتروح مستشفيات، ولكن كمان بتفرق عيش ولحمة وفتة بنفسها.
وأكملت ليلى علوي: يسرا إنسانة وست زي كل الستات، ربة أسرة ناجحة، بتفرح وتحزن وتفشل، أنا فخورة إني بقول كده لأن الناس بتفكر أن النجوم عايشين حياة مختلفة تمامًا عنهم وده مش حقيقي، هي كائن غني جدًا بالإيجابيات، ومش بتستغلها لنفسها فقط ولكن للناس كلها، هي ملهمة وأحنا بنتعلم منها.
ووجهت ليلى علوي سؤال إلى يسرا قائلة: قلتي لو لعبت دور هشوف هستفيد منه ولا لا، وإحنا أتعرض علينا سيناريوهات كتير، ولكن بتحسي إنك مش بتستفيدي من العمل الاستفادة اللي تستحقيها.
وأجابت الفنانة يسرا: لما توصلي لحتة معينة لازم تحافظي على نفسك، عشان المصداقية اللي بينك وبين الجمهور لا تهتز، وإحنا في الأول يحق لينا منختارش صح لأننا مش فاهمين لكن بعد فترة لازم نحافظ علينا عشان عمرنا يطول فنيا.
