للمرة الثانية..حسن شاكوش متهم بسرقة لحن “حضن عينك” لـ حماقي

كتبت: نجلاء علاء الدين

أطلق الناقد الفني أكرم ناجي، تصريح ناري بشأن سرقة لحن أغنية “قنبلة الجيل” لمطرب المهرجانات الشعبية حسن شاكوش، من لحن أغنية “حضن عنيك” لـ حماقي، وتعد هذه هي المرة الثانية التي يتهم فيه شاكوش بسرقة لحن أغنية حماقي.

وظهر الناقد الفني أكرم ناجي، في مقطع فيديو عبر صفحته علي موقع “فيسبوك” وتحدث عن الأمر قائلا: “أغنية قنبلة الجيل نجحت في رمضان 2024 ومن أهم أسباب نجاحها طرحها ضمن أحداث مسلسل العتاولة، وعاملة شغل حلو على تيك توك، ولما سمعت الأغنية خدت بالي أن الجملة دي سمعتها قبل كده.. قلت مين حبيب شاكوش غير حماقي.. هو اللي نجحه وصيته من وقت أغنية بنت الجيران وخلاه في حتة تانية، لما برضه شاكوش سرق ألحان أغنية بنت الجيران من حماقي، فضلت أفتكر لحد ما جبتها واكتشفت إنها أغنية في حضن عنيك، وكنت مستغرب إن الأغنية نجحت”.

أكرم ناجي لـ حسن شاكوش: الاستسهال عبث 

وأضاف: “أنا مش ضد شاكوش ولا عمر ولا حمو ومش بهاجم ولا بروش، لكن أنت لو بتعمل شكل معين وهو شكل المهرجانات فأنت داخل في مرحلة الممل.. اطلع بلحن جديد أو أي حركة.. لكن الاستستهال عبث بصراحة.. من تلات سنين مفيش أغنية ليهم هما التلاتة ضربت زي الأغاني اللي فاتت، وده بيدل على حاجات كتير أوي وسبق وقلت أن الناس هتمل من الرتم الواحد وهيكون فيه حاجات أحلى وأجرأ لكن الأسلوب اللي هما شغالين عليه مش هيستمر”.

واختتم أكرم حديثه قائلًا: “ملاحظ أن عمر كمال وحسن شاكوش أصبح عندهم غرور زايد في لقاءاتهم التلفزيونية وبحس أنهم قدموا حاجة مهمة وكبيرة لكن النجاح نسبي وأحيانًا بيكون مؤقت والأهم هو الاستمرارية، وسؤال ليهم هل عملت عشر أغاني ناجحين في أربع أو خمس سنين، هما أربع أو خمس أغاني والباقي واقع أوي وكفاية سرقة واقتباس”.

حسن شاكوش وعمر كمال يعتذرون لـ حماقي

سبق وأن اعتذر حسن شاكوش وعمر كمال لـ حماقي، بعد حذر أغنية “بنت الجيران” من اليوتيوب، وتقبل حماقي العتذار ولم يتخذ أي إجراء أخر ضدهم، ولكن أشتعلت الأزمة بعدما صرح شاكوش فب لقاء تلفزيوني وقال أن لحن أغنية ” حاجة مستخبية” مسروق من لحن أغنية تركية.

ورد مؤلف الأغنية محمد عاطف، علي هذه التصريحات قائلا:”حسن شاكوش طلع امبارح مع الأستاذ عمرو اديب بيقول ان حاجه مستخبيه مسروقه من لحن تركى وده غلط ف حق الملحن مدين وفب حق الموزع أحمد إبراهيم، أحب اوضح بس أن الغنوه تم اعادة نشرها بعدها بفتره كبيره من مطربه تركيه وانهم في تركيا محترمين استأذنوا الأول وتم تعويضى شخصيًا كشاعر أدبيًا وماديًا عارف يعنى ايه يتكتبلك شكر خاص باسمك ف البوم باللغه التركيه مش حراميه ولا عندهم قلة ذوق ونجاح كلماتك وان غنوتك عدت غنوة حماقىوعملت مليار مشاهده مش عشان انت اسطورة الجيل عشان الناس لقت لحن حافظاه وبتحبه عليه كلام ممنوع والممنوع مرغوب خمور وحشيش”.