حرص محمود عبد المنعم كهربا، مهاجم الفريق الأول لكرة القدم بالنادي الأهلي، على توجيه الشكر للاعبي المارد الأحمر وخاصة أفشة وإمام عاشور، أصحاب هدفي الفريق ضد الزمالك.
وقال كهربا، في تصريحات تليفزيونية: «الحمد لله على الفور وأشكر لاعبي الأهلي وخصوصًا أفشة وإمام عاشور اللي سجلوا الهدفين».
كهربا: لما أعتزل هعد بطولاتي مع الأهلي
وأضاف: «بطلت أعد البطولات مع الأهلي.. ومش عارف أنا حققت 11 ولا 12 لقب، لما أخلص كرة خالص هبقى أعد براحتي».
وتابع: «أنا بفضل دايمًا في الملعب ومش بيكون عليَّ ضغوطات وبركز بس في إني أسعد فريقي حتى لو عندي مشاكل».
وواصل: «بعض الإعلاميين في مصر بيبنوا البرنامج بتاعهم على اسم كهربا، وأنا كل يوم بلاقي كمية إشاعات وحوارات».
وأردف: «أنا نفسي أسأل الناس بيستضيفوهم فين ضميرك من إنك تقول كلام عليا محصلش».
واختتم: «أنا أول واحد بساعد اللاعيبة حتى لو مش بلعب، والحمد لله كسبنا رغم إن الأداء مكنش أفضل حاجة بس عشان نيتنا سالكة كسبنا».
الأهلي يهزم الزمالك
انتهت مباراة الأهلي والزمالك بفوز المارد الأحمر بنتبجة (2-0)، وهو اللقاء الذي جمع الفريقين، في نهائي كأس مصر للموسم الماضي 2022- 2023؛ حيث أحرز هدفي أبناء القلعة الحمراء، إمام عاشور (نجم الأبيض السابق)، وأفشة.
لمتابعة مزيد من الأخبار اضغط (هــــــنــا)
تابعنا من خلال صفحتنا على الفيس بوك من (هــــــنــا)
