شهدت مواقع التواصل الاجتماعي، خلال الساعات القليلة الماضية، حالة من الجدل عقب نشر فيديو يحتوي على مقطع لعروسة، تظهر حزنها الشديد عقب دخول العريس، الأمر الذى جعل رواد التواصل الاجتماعي يطلقون عليها اسم “العروسة المغضوبة”.
قصة العروسة المغصوبة كاملة في كفر الدوار
وتداول رواد مواقع التواصل الاجتماعي، فيديو لعروس من كفر الدوار داخل كوافير، وهي ترتدي فستان سواريه خطوبة وميكب كامل، ثم يدخل شاب من باب «البيوتي سنتر» لتصوير فيديو «الفيرست لوك».
العروسة المغصوبة على الزواج
وانتشر الفيديو على صفحات مواقع التواصل الاجتماعي، انهالت التعليقات من قبل مستخدمي السوشيال الميديا، حيث جاءت التعليقات في إطار أن العروس مغصوبة على الزواج، نظرًا لما أظهرته ملامحها في الفيديو.
وقد فسر بعض مستخدمى السوشيال ميديا سبب حزن العروسة، هو عدم ارتداء العريس بدلة كاملة، وجاء التعليق كالآتي: «العروسة شكلها مضايق من هدوم العريس هو ليه مش لابس بدلة وملابس بنطلون وقميص عادي».
تعليق العريس صاحب الفيديو
وفي سياق متصل، علق العريس صاحب الفيديو المتداول على مواقع التواصل الاجتماعي الذي أظهرت فيه عروسه تعابير استياء خلال رؤيته الأولى لها في الكوافير، والذي جعلها تتصدر الترند بهاشتاج “العروسة المغصوبة”.
وقال العريس “أنا معرفش يعني إيه ترندات أصلاً، أنا مش قادر أحط وشي قدام حد، أنا انفضحت، الفيديو بوظ عليا حياتي، دلوقتي معدتش قابل البنت من اللي هو عمله معايا.
وتابع العريس: أيوه أعرفها وهي تعرفني، وبتحبني وبحبها، وهي عايزاني، بس كان في سوء تفاهم.
وواصل العريس: اللي بيقول ليه مش لابس بدلة لو معايا فلوس أجيب بدلة، مكنتش اشتريت دبلة عادية بـ40 جنيه.
وأضاف العريس: أنا وعروستي لو زعلانين من بعض، ليه الراجل بتاع الكوافير يعمل كده وينشر الفيديو، حتى لو هي مش طيقاني، ليه يعمل كده.
