كتبت: نجلاء علاء الدين
تجاهلت النجمة شيرين عبد الوهاب أزماتها الأخيرة، مع شركة روتانا، وروجت لأحدث أعمالها الغنائية من خلال نشر صورة جديدة عبر حسابها على موقع التغريدات إكس، معلقة عليها بقول: “قريبا”.
وكانت قد أعلنت شيرين عبد الوهاب عن تعاقدها مع شركة إنتاج جديدة بعد أزمتها مع روتانا، وقالت في تصريحات صحفية: “روتانا تتعمد تعطيل مسيرتي الفنية، وبتحاربني أنا بس شخصيًا.. وأنا مضيت مع شركة جديدة والمفروض الأغاني بتاعتي هتنزل الأسبوع الجاي.. ولكن مسئولين من روتانا بيكلموا الشركةويقولوا ليهم أني لسه معاهم..ا، رغم أني دفعت 8 ملايين جنيه وأنا اللي رافعه عليهم قضية..شركة روتانا بدمرني”.
4 نجمات تتابعهن شيرين عبد الوهاب علي إكس
وكانت قد أطلقت النجمة شيرين عبد الوهاب، حساب جديد عبر موقع “إكس”، وقامت بمتابعة أربع نجمات فقط وهم نوال الزغبي، إليسا، منة شلبي، سميرة سعيدة.
أزمة شيرين عبد الوهاب و السوشيال ميديا
وسبق وأن أعلنت النجمة شيرين عبد الوهاب، عن أن جميع الحسابات المؤثقة باسمها عبر مواقع التواصل الاجتماعي تحت إدارة شقيقها محمد عبد الوهاب، موضحة أنها لم توقع أية عقد مع الشركة المسؤولة عن إدارة صفحتها.
شيرين عبد الوهاب: أخويا باعني وحسابتي على السوشيال ميديا مسروقة
وتحدثت شيرين عبد الوهاب، عن تلك الأزمة والتي تتعلق بعدم إدارتها للصفحات من خلال تسجيل صوتي لبرنامج “الحكاية”، قالت فيها: “فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد إن كلام حسام مضبوط جدا، وأخويا فعلا باعني، والتصريح اللي نزل دا نزل من المحامي محمد شاعر المستولي على السوشيال ميديا بتاعتي، وبتوكيل أنا كنت عاملاه له قديم مضى له ورقة أو عقد تملكه من حساباتي، وموقعين بتاريخ قديم، كل كلام حسام حبيب مضبوط، وماتصدقوش أي حاجة من كلام محمد عبد الوهاب”
واختتمت شيرين عبد الوهاب حديثها قائلة: “أنا مابحبش أتكلم عن مشاكلي الشخصية دلوقتي عشان ماشغلش حد، والناس ماتقعدش تقول احنا ماورناش غير شيرين ومشاكل شيرين، لكن لازم تفهموا إن في أغاني حلوة جدا جدا، توما عاملها وعزيز الشافعي ومدين، وفي حاجات بتخلص من التصريحات عشان المشاكل مع الشركة المنتجة، في حد بشخصه قاصد يقعدني في البيت، بنخلص الحاجات دي والأغاني هتنزل وهتعجبكوا جدا، وبإذن الله الأغاني هتعجبكم”
