كتبت: نجلاء علاء الدين
كشفت النجمة فيفي عبده عن رأيها في بعض الأمور الخاصة بالحياة الزوجية، ومنها معرفة الزوجة بخيانة زوجها وصدمت جمهورها بتصريح صادم عن هذا الأمر، حيث طالبت السيدات بالصمت عن الخيانة حتى لا يحدث الطلاق.
وردت النجمة فيفي عبدة، على الانتقادات الموجهة للنجمات كبار السن الذين تزوجوا في هذا السن، وذلك من خلال لقائها في برنامج “حبر سري” التي تقدمها الإعلامية أسما إبراهيم عبر شاشة قناة “القاهرة والناس”.
وقالت فيفي عبده: “الرجالة كلها بتخون واللي تقول مش بيخون وماشي على الصراط المستقيم مش صحيح، ولابد الراجل يكون عنده نزوات، وبتبقى قمر وتتخان والمفروض تعمل نفسها مش عارفه”.
فيفي عبده: الست لو واجهت الراجل بخيانته أكبر غلط لها في الحياة
وأضافت فيفي عبده: “الست لو واجهت الراجل بخيانته أكبر غلط لها في الحياة..عشان الحياة دلوقتي صعبة ونسبة الطلاق عالية جدا، وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش”.
وتابعت فيفي عبدة حديثها بمحاولة تشكيكها في زوجها من قبل بعض الأشخاص قائلة: “الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس بتحاول تشككني في جوزي ولكن مكنتش بسيب فرصة لكده”.
فيفي عبده ترد على الانتقادات الموجهة للنجمات كبار السن
كما ردت النجمة فيفي عبده على الإنتقادات الموجهة لبعض النجوم بسبب زواجهم في سن الكبر موضحاً:”هي الكبيرة متتجوزش؟ وليه الكبيرة متتجوزش والناس المفروض متنتقدش؟ وفي ناس بتبقى محتاجة ونس في البيت واللي يجيب الونس الارتباط، وفي ناس بتربي حيوانات ولما يكون معاك إنسان تتكلم مع حد غير أنك كبرت وخلاص”.
فيفي عبده: كل يوم بيجلي عروض بالجواز
وكشفت النجمة فيفي عبده عن تلقيها عروض بالزواج، وذلك من خلال المتابعين عبر صفحتها على مختلف مواقع ومنصات التواصل الإجتماعي موضحاً: “كل يوم بيجي لى عرسان والكومنتات كلها طلبات زواج ولكن أنا ست متجوزة ولو أنا وحيدة هتجوز”.
