كتبت : مريم محمد
قدمت الفنانة فريدة سيف النصر نصيحة للنساء بخصوص اختيار ملابسهن، مشيرة إلى أنها شعرت بالخوف من أن تكون مسؤولة عن تأثير ملابسها في فترة شبابها، واستدلت بآية من القرآن الكريم لتوضيح وجهة نظرها.
وقالت الفنانة فريدة سيف النصر عبر حسابها “فيس بوك” :” لازم أقول مقدرش اقرأ حاجة بشرحها وتفسيرها وتنفعكم يوم الحقيقة الوحيد ومقولهاش، والمعنى الجنة مبنتعراش فيها ومستورين، يبقي لازم نتستر تحت في الأرض عشان نطلع فوق بنفس الهيئة، أنا خايفة من اللبس اللي لبسته وأنا صغيرة، لكن لقيت الرحمة والتفسير في آية: قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ”.
وأضافت : ” الحمد لله يعني اللي يعمل سوء بجهالة يغفر له لو تراجع، لكن لو عارف عقابه ومش فارق عنده، ده رايح في ستين مصيبة غلبان.. أنا عايزة لما أروح لا أجوع ولا أتعرى ولا أعجز إيه الجمال ده، حبايبي متستنوش تبقوا كبار أسرعوا ما حدش عارف ساعته أمتى.. نتعظ ونخاف على نفسنا الحياة لو 100 سنة بنمشي برده، خلينا نعمل حساب هناك أكتر”.
واختتمت : ” لحمكم ده لحمنا وغالي علينا.. والجميل مش محتاج يعمل كده أنتم حلوين حتى لو بورتريه فقط.. بحبكم ويعلم الله.. يا ريت متزعلوش بس هيئة أهل الجنة أحلى، ما إحنا هنروح فين فكروا”.
آخر أعمال فريدة سيف النصر
شاركت الفنانة فريدة سيف النصر في رمضان 2024 من خلال مسلسل العتاولة، بطولة الفنان أحمد السقا ، طارق لطفي، زينة، باسم سمرة، أحمد كشك، هدى الإتربي، مصطفى أبوسريع وآخرين، العمل من تأليف هشام هلال وإخراج أحمد خالد موسي.
