أميرة إحدى فتيات ذوي الهمم ، والتي عرفت بـ فتاة الصمت والتي استطاعت أن تكتب نجاحًا لها ولكفاحها الكبير تجاه الإعاقة التي مصابة بها “الصم والبكم” بالرغم من أن والدها يعاملها معاملة سيئة ولكنها كانت تواجه كل هذه التحديات وفي عام 2021 ظهرت أميرة الصمت في العديد من اللقاءات الصحفية.
كانت الفتاة أميرة تصر على النجاح وبعد ثلاث سنوات ظهرت فتاة الصمت مرة آخري ولكن شتان ما بين فتاة لديها طاقة ونجاح وفتاة تعاني من عذاب والدها التي تشربه بكل أشكاله وأنواعه وذلك بسبب أنها من ذوي الهمم ولا ذنب لها في الإعاقة المصابة لها.
التقى موقع “أون مصر”، الفتاة أميرة والتي قالت بلغة الإشارة، وكان هناك أحد الأشخاص والذي ترجم لها، قائلة:” أبويا بيصحيني الساعة 5 الفجر عشان أغسل المواعين وأنا قاعدة بتفرج على التلفزيون بيضربني من غير سبب ولما بشتكي لأمي مبتقدرش عليه.. وكمان أبويا بيدي أخواتي فلوس وأنا مبيدينيش أي حاجة ولما بيخرجوا يروحوا رحلات أو مصايف بيسيبوني في البيت وبيحبسوني”.
وأضافت أميرة:” أنا تعبت خلاص أنا مكانشي شكل كان كده زمان أبويا بيعذبني كتير وبيحلق شعري بمكنة الحلاقة ولما بيسألني انتي عايزة تسيبي البيت ليه بقوله أنت السبب علشان دايمًا بتعذبني أنا خلاص نسيت أبويا ومش عايزة أرجع البيت تاني عايزه أعيش حياتي وسكن لوحدي غير كده هموت نفسي”.
واستكملت حديثها:” لما بروح عند صحبتي أبويا بيجي ورايا هناك وبيعمل مشاكل معايا ومع صحابي أنا تعبت أنا لوحدي كلهم بيتكلموا وأنا مش عارفه أتكلم ولا أعمل حاجة أنا عايزو حد يقف جمبي ويساعدني”
وأضافت أميرة بلغة الإشارة:” أبويا راح عمل محضر لبنتي وأنا مستغربة أنا عيزاكم تسألوا الجيران بيعمل فيا ايه بيضربني وبيعذبني وبيربطني بالسلسلة من غير أكل ولا شرب أبويا زي المجرم بالظبط”
وأردفت:” لو أنت مش عايزني جبتني ليه في الدنيا جبتني علشان تعذبني، أنا بشتغل زي أي حد بيشتغل تعالا بينا نروح القسم ونشوف مين اللي هيتحبس حرام عليه أنا مش مسامحه أبويا على اللي بيعمله معايا”.
