فادي خفاجة يفجر مفاجأة بشأن إصابته في برنامج رامز جلال وعلاقته مع مها أحمد (خاص)

أعرب الفنان فادي خفاجة عن سعادته بمشاركته في برنامج رامز جاب من الآخر، مع الفنانة مها أحمد.

وفجر هادي خفاجة، مفاجأة بشأن إصابته في برنامج رامز جاب من الآخر، قائلًا إنه كان مصابًا ظهره بسبب حادث تعرض له قبل المشاركة في البرنامج.

وعن شعوره عندما وقع في المقلب، أكد في تصريح خاص لـ أون مصر: “كان عندي إحساس غريب أضحك والا أتخض، الزحليقة كانت دورين مش زي بتاعة الأطفال مش عارف هلاقي إيه لما أنزل”.

فادي خفاجة وسوء التفاهم

وعقب قائلًا: اللي حصل بيني وبين الفنانة مها أحمد سوء تفاهم، أنا اتفاجئت لقيتها في وشي، وضربة رامز جلال بالمسدس معلمة فيا لحد دلوقتي، الضربة بتفرقع وكانت الخبطة بجد.

واستطرد فادي خفاجة: “بما إني الراجل واللي معايا ست رمز جلال اختار الضربة تيجي فيا”.

وعقب قائلًا: “تجربة حلوة واتبسطت بيها وفكرة إني أروح الإمارات دي حاجة جميلة أنا شاركت في مسلسل كان بيتصور هناك وشوفت ثقافات جديدة، الموضوع مش فسحة أد ما هو شغل”.

وعن أجره في البرنامج أكد أنه لا يفضل الحديث في مثل تلك الأمور، لاسيما وأن البعض تحدث عن حصوله على مليون دولار، مضيفًا: “اللي عاوز يقول إني أخدت رقم كبير يقول براحته أنا مش مضطر أبرر ولا أحلف”.

لمتابعة مزيد من الأخبار اضغط  هناااا               

تابعنا من خلال صفحتنا على الفيس بوك من هناااااااا

وعما إذا كان يشاهد مسلسلات في رمضان 2024، قال: “في مسلسلات كانت حلوة ومسلسلات على غير المتوقع، في ناس اتفرجت عليها حسيت إنهم يقدروا يعملوا أحلى وأفضل خاصة إن الممثل بيكون نجم كبير والعمل ممكن يكون أقوى من كده”.