كتبت: نجلاء علاء الدين
ردت الفنانة ليلي أحمد زاهر ، علي الانتقادات التي تعرضت لها بسبب طريقة حديثها في مسلسل “أعلى نسبة مشاهدة”، بتصريحاتها لبرنامج “تفاعلكم”، المذاع عبر قناة “العربية”، كما تحدثت عن مخاوفها من تقديم شخصية “نسمة الكاريزما”.
وقالت ليلي أحمد زاهر: “اللبس عامل مهم في نجاح شخصية نسمة الكاريزما في مسلسل أعلى نسبة مشاهدة، أستاذ خالد عزام عامل مجهود كبير في اللبس، وقولتلهم هو أنا هلبس كده بجد، ذكرت للشخصية من ناس معينة علي التيك توك، والمناطق الشعبية عبارة عن فئات، وكل فئة بتتكلم بطريقة معينة، دي مش طريقتي أنا، وقعدنا مع واحدة أسمها مي عشان نتعلم منها طريقة الكلام، وأنا بحترم كل الانتقادات ولكن عملت اللي عليا وذكرت كويس للشخصية”.
ليلي أحمد زاهر: تخوفت من شخصيتي في مسلسل أعلى نسبة مشاهدة
وتابعت ليلي أحمد زاهر: “كنت خايفة من مسلسل أعلى نسبة مشاهدة، وأعتبرت الموضوه تحدي، أستاذة ياسمين كانت شيفاني في الدور وأصرت عليا، وأنا كلمتها قبل التصوبر بيومين وكنت منهارة وخايفة، وقولت مش عارف أعمل الشخصية دي لأنها صعبة وهتكون مكروة، وأنا مقتنعة أن مافيش أخت ممكن تأذي أختها، وأستاذة ياسمين ورتنا قصص حقيقة”.
ليلي أحمد زاهر: في حاجات علي التيك توك بتكون محتاجة رقابة
وأتمت حديثها قائلة: “كرهت شخصية نسمة الكاريزما، وقولت لو أنا مش مصدقاها الناس مش هتصدقني، وماما قالتلي لو الشخصية شريرة لأزم يكون ليها أسباب ومبررات، ولكن في حاجات علي التيك توك بتكون محتاجة رقابة، ومش رسالتنا خالص في المسلسل إن لو حد عمل كده وفي السجن يخرجوه وحرام وكده، لا خالص، اللي غلط معروف إنه بيتعاقب عشان ميرجعش يغلط تاني”.
