كتبت: نجلاء علاء الدين
هاجم الملحن عمرو مصطفى فنانا شهيرا رفض الإفصاح عن اسمه، ووصفه بأنه من المفترض أن يكون قدوة للجمهور بدلا من ارتدائه للحلق.
وطالب من المتابعين عدم ذكر اسم أي شخص في التعليقات، موضحا أن هذا المنشور عام ولا يقصد به أي شخص.
وكتب عمرو مصطفى عبر حسابه الرسمي علي موقع “فيس بوك”: “لما تلاقي حد في سن المفروض يكون فيه قدوة، لكن بيختار يعيش دور الشاب بالحلق والتاتوهات، وبدل ما يحافظ على احترام نفسه، بيستخدم لجان إلكترونية، وفيديوهات وبودكاستات عشان يشوه سمعة الناس باتهامات زي الجنون. اللي بيعمل كده، مش قادر يواجه نجاح غيره ولا يثبت نفسه إلا بتصرفات سطحية وكومنتات مدفوعة”.
عمرو مصطفى: النجاح هو الثبات على المبادئ والقيم
وتابع: “النجاح مش في المظاهر ولا في كلام ورا الشاشات، النجاح هو الثبات على المبادئ والقيم، واللي بيفضل محترم جمهوره وأخلاقه هو اللي بيفضل فنان حقيقي. خلوا الأفعال تتكلم، والتاريخ دايمًا هيكشف مين كان على حق ومين كان بيحاول يغطي على نفسه بالشو الإعلامي”.
وفي تعليق آخر له على نفس المنشور كتب: “مطربين كتير بيلبسو حلقان والبوست عام وليس خاص رجاء عدم ذكر أي اسم.. دايما لاتذكر أشخاص بنتكلم عن المبادئ العامة والصح والغلط والهويه المصرية والشباب القادم”.
