كتبت: نجلاء علاء الدين
تحدث الملحن عمرو مصطفي، عن بعض الأشخاص الذين يحاولون تشويه أسمه بزعم أنه يفتعل مشاكل مع زملائه في الوسط الغنائي، وأكد عمرو مصطفي أنه لن يتنازل عن طريقته ماهما بلغت الحرب ضده.
كتب عمرو مصطفى، منشورًا عبر حسابه الشخصي بموقع التواصل الاجتماعي فيسبوك، وقال فيه: بقالهم 25 سنة وهمّا بيحطوني في مشاكل علشان يظهروني إني بتاع مشاكل، وكل ده عشان يخلوني زيهم، منافق وبيسمع الكلام.
وتابع عمرو مصطفى: بس بصراحة؟ لو وضحت في يوم، هتبقى اللحظة اللي أقول فيها باي باي لموهبتي الحقيقية، وكأنهم كسبوا المعركة، أنا بختار أسمعكم ألحان صادقة، وعندي طريقتي الخاصة اللي مش هتنازل عنها مهما كانت الحرب شغالة! يا جماعة، أنا صادق بروحي، وده اللي مضايقهم، لكن هفضل كده! خلّوني في حالي.. موهبتي مش للبيع.. الصدق هو سر موهبتي، ومش هتغير علشان حد.
عمرو مصطفى يهاجم فنانا شهيرا: عايش دور شاب بالحلق والتاتوهات
علي الصعيد الآخر، هاجم الملحن عمرو مصطفى فنانا شهيرا رفض الإفصاح عن اسمه في وقت سابق، ووصفه بأنه من المفترض أن يكون قدوة للجمهور بدلا من ارتدائه للحلق.
وطالب من المتابعين عدم ذكر اسم أي شخص في التعليقات، موضحا أن هذا المنشور عام ولا يقصد به أي شخص.
وكتب عمرو مصطفى عبر حسابه الرسمي علي موقع “فيس بوك”: “لما تلاقي حد في سن المفروض يكون فيه قدوة، لكن بيختار يعيش دور الشاب بالحلق والتاتوهات، وبدل ما يحافظ على احترام نفسه، بيستخدم لجان إلكترونية، وفيديوهات وبودكاستات عشان يشوه سمعة الناس باتهامات زي الجنون. اللي بيعمل كده، مش قادر يواجه نجاح غيره ولا يثبت نفسه إلا بتصرفات سطحية وكومنتات مدفوعة”.
وتابع: “النجاح مش في المظاهر ولا في كلام ورا الشاشات، النجاح هو الثبات على المبادئ والقيم، واللي بيفضل محترم جمهوره وأخلاقه هو اللي بيفضل فنان حقيقي. خلوا الأفعال تتكلم، والتاريخ دايمًا هيكشف مين كان على حق ومين كان بيحاول يغطي على نفسه بالشو الإعلامي”.
