كتبت: نجلاء علاء الدين
كشف الفنان علاء مرسي، سبب تقبيله لـ يد محمد هنيدي، في حفل زفاف ابنته”مريم”، والذب أحدث حالة من الجدل عبر مواقع التواصل الاجتماعي، وذلك خلال لقائه في برنامج “كلام الناس” مع الإعلامية ياسمين عز، عبر قناة MBC.
وأكد علاء مرسي، أنه هناك علاقة صداقة وطيدة تجمعه مع هنيدي، أما بشأن تقبيله لـ يده فما هو الا تعبير عن الشكر والأمتنان، خاصة بسبب شدة سعادتي بحفل زفاف ابنتي وبحضوره.
علاء مرسي يتحدث عن علاقته بـ محمد هنيدي
وقال علاء مرسي: “أما بشوف هنيدي بفرح وببقى مشتاق له جدًا، وبجري عليه كأنه والدي، بحس بيه وهو بيحس بيا، وفرحتي ببنتي والفرح وإحساس إني هجوز بنتي، كنت في حالة عجيبة جدًا، فاللي ييجي لبنتي هشيله على دماغي ده للغريب ولأي حد”.
وتابع علاء مرسي: “هنيدي فاجأني لأنه لآخر لحظة مكنش جاي، ومشاعري جت كده، ودي حاجات مسموحة بين الأحبة والأصدقاء، ربنا مديني فوق ما أتمنى، معملتش كده عشان يشغلني”.
علاء مرسي يكشف سبب حب شريهان
على الصعيد الآخر كشف علاء مرسي، سبب حب شريهان له قائلا:”هذه العظيمة أول نجمة اتعامل معاها في بداية حياتي الفنية.. هي فنانة شاملة.. يعنيني أنها إنسانة حنونة بشكل غير عادي وذكية وبتحس بالآخر بمجرد ما عينها تبص عليه، وكانت تهتم بتفاصيل البشر وهي بتدرب على الاستعراض رغم أنها تعبانة ومرهقة ومش نايمة بتبص على الواد بتاع البوفيه وتاخد بالها منه”.
وأتم حديثه قائلا:”أنا كنت بديها طاقة الحب دي بعيني اللي بتقولها بحبك وسلوكي وجسمي نفسه بيتحرك لها، ووقفت جنبي أنا وهنيدي وعهدي صادق واستماتت أننا نكون أبطال قصادها، وكانت حنونة وفي يوم قالت بتروحوا إزاي قلنا بنروح بعربية هنيدي اللي بتعطل بينا، قالت لا نجيب ليكم عربية.
