كتبت: نجلاء علاء الدين
تحدث الفنان علاء مرسي، عن رأيه في موهبة ونجومية بعض نجوم الوسط الفني ومنهم نادية الجندي ونبيلة عبيد وأحمد حلمي، إضافة إلى حديثه عن الزعيم عادل إمام، وذلك من خلال لقائه في برنامج ” ع المسرح” المذاع عبر شاشة قناة “الحياة” وقناة “سي بي سي” خلال شهر رمضان، والذي تقدمه الإعلامية مني عبدالوهاب.
وقال علاء مرسي: “الحديث في سياقة أنه دول نجمات كبار، وحلمي أتاخد في الرجلين، ونجوميتهم هي أكبر من حجم الموهبة، عندهم إدارة للموهبة أكبر من الموهبة، أما عادل إمام يجمع بين الاتنين والموهبة والجدعنة والذكاء، أحمد حلمي عنده ذكاء فطري واجتهاد رهيب، بس أنا بلومه عشان مش عايز أشوفه مهزوز، أنا متعود أن إرادته عالية جدا، وأن أفلامه كلها ناجحة فمينفعش مينجحش، وكل الأطفال بيحبوا، عشان كده مينفعش نجوميته تكون أكبر من عمله”.
علاء مرسي: أذيت موهبتي لأني لم أعلم حجمها بالقدر الكافي
“أكتر حد أذاني هو نفسي، أول حاجة المجاملات ودي مصيبة، أذيت موهبتي لأني لم أعلم حجمها بالقدر الكافي، وكنت بقول علي كل حاجة حاضر عشان مشيت مع طيار المجاملة، وأستهلكت مؤهبتي في أدوار تدمير الموهبة، وأنا خليت كل شيء متاح وسهل، في حين أنهم لأقوا مني وش أخر أول ما بحس إني مستغل، وبنصح كل الشباب اللي بتحلم أوعوا تعملوا زي، بس تعلموا واجتهدوا، وأنا فوقت متأخر”.
علاء مرسي: أصعب حاجة على الفنان أنه يحس بالرفض أو عدم الاهتمام
وأتم علاء مرسي حديثه قائلا: “بعد 40 سنة شغل أدركت أني كنت مستغل، لما جيت أدور على بيت لأولادي وأكتشفت أني مش معايا فلوس، واكتشفت أني كسبت مجاملات، وأصعب حاجة علي الفنان أنه يحس بالرفض أو الأهمام، ولكل شيء نهاية والبقاء لله، بس متنساش الجيل اللي سلمك عشان هو اللي علمك، عشان لما تسافري بره بيكلموكي على الجيل القديم مش الجديد”.
