كشف محمد أبو الوفا، عضو مجلس إدارة الاتحاد المصري لكرة القدم.. عن حقيقة اعتذار حازم إمام عن عدم الإشراف على منتخب مصر خلال الفترة المقبلة.. وقصة تدخله في اختيار المدير الفني الجديد للفراعنة.
وقال أبو الوفا، خلال تصريحات تليفزيونية: «معنديش المعلومة عن اعتذار حازم إمام عن عدم الإشراف على منتخب مصر.. لو عندي معلومة كنت قولتها».
وأضاف أبو الوفا: «مفيش حاجة اسمها حازم إمام أصر بمفرده على تعيين روي فيتوريا.. مفيش حاجة اسمها كدة.. حازم عرض مجموعة من السير الذاتية وصلت إلى 10 مدربين وفاضلنا بينهم حتى وصلوا إلى روي فيتوريا».
مفاوضات اتحاد الكرة مع فيتوريا
وتابع: «الزملاء اللي كانوا بيتفاوضوا مع فيتوريا في الفلوس عملوا اللي عليهم بزيادة.. ومعتقدش إنهم كان في إمكانهم تقليل الراتب 5 آلاف يورو ولم يفعلوا ذلك.. ولما بيتم وضعك في الاختيار على أساس بعض المعطيات بضحي مرة شوية واللي ايده في الماية مش زي اللي ايده في النار».
وواصل: «كان في جلسة مع وليد العطار عشان يتكلم معاه في الشرط الجزائي وفيتوريا قال الكلام مع المحامي الخاص بي وهو هيمشي الأمور في نصابها القانوني وحق اتحاد الكرة مش هنفرط فيه.. فيتوريا ياخد الفلوس اللي ليه مش أكتر».
واسترسل: «الاتحاد المصري لكرة القدم جزء من الشعب المصري.. والحمل الذي علينا أكثر من الحمل الذي يحمله أي شخص، ونريد دائما منتخبنا أفضل».
واستكمل: «الاتحاد يقدر قيمة محمد صلاح كويس جدا.. والأصلح لمنتخب مصر و لمحمد صلاح، اتعمل ومليش دعوة يورجن كلوب قال ايه، الإعلام هو اللي عمل البلبلة».
واختتم أبو الوفا: «الشناوي سافر زي محمد صلاح ومحدش علق عليه زي ما علقوا على صلاح».
لمتابعة مزيد من الأخبار اضغط (هــــــنــا)
تابعنا من خلال صفحتنا على الفيس بوك من (هــــــنــا)
