كتبت: نجلاء علاء الدين
تصدر اسم النجمة عبير صبري والإعلامية ريهام سعيد، محركات البحث عبر مختلف مواقع التواصل الاجتماعي، خلال الساعات الماضية، وذلك بعدما تحدثت الأخيرة عما حدث بينهما خلال فترة مرضها.
وقالت ريهام سعيد إنها تعرضت لموقف مسئ منها، لذلك قررت ألا تتحدث معها مرة أخرى.
ورفضت عبير صبري الحديث عن هذا الأمر، موضحة في تصريح خاص لـ “أون مصر”: “مش حابة أتكلم في الموضوع ده”.
وكانت قالت ريهام سعيد خلال مداخلة هاتفية لبرنامج et بالعربي،: “لما بقابل ناس كتير بيشجعوني ويقولولي إنتي قمر، مفيش غير واحدة بس جرحتني جرح فظيع مش المفروض أقول اسمها إحنا أصحاب واشتغلنا مع بعض، هي قابلتني وقالتلي كلمة ضايقتني أوي”.
ريهام سعيد تحكي سبب خلافها مع عبير صيري
وتابعت: “كنت رايحة حفلة على البحر وشفتها أنا الوحيدة اللي حاطة مكياج، قالتلي ما إنتي كويسة أهو إنتي دراما كوين بتحبي تعملي دراما، أنا سبت الحفلة وركبت عربيتي وفضلت أعيط، كنت عايزة أقولها لو تعرفي كم الألم اللي فيا وإنتي بتحافظي على نفسك ووشك أوي”.
ريهام سعيد: عبير صبري قالتلي انتي درما كوين
وأتمت حديثها قائلة: “هي عبير صبري بقول اسمها عشان أنا مش عايزة أكلمها تاني، مش من واجب حد أنه يقف جنبي لأن مفيش حاجة يقدروا يعملوهالي لكن إن تقل خيرا أو لتصمت لو مش قادرة أدعمك متقوليش إنتي دراما كوين، أنا عملت دراما قبل كده في إيه أنا واحدة اتسجنت ومطلعتش بعدها أعيطلكم وقفت سنة ورجعت أقوى من الأول، عندي كم من حاجات اتظلمت فيها أوي وعمري ما فتحت الموضوع فين أنا دراما كوين؟”.
