كشفت التحقيقات في القضية التي حملت رقم 1536 لسنة 2022 جنايات المرج والمقيدة برقم 1336 لسنة 2022 كلي شرق القاهرة، تفاصيل خطف شخص وإجباره على توقيع إيصالات أمانة بعد اتهامه بالدلوف إلى منزل إحدى السيدات ومراودتها عن نفسها، لإقامة علاقة غير شرعية معها.
قضية خطف بالمرج
بدأت تلك الواقعة ببلاغ من سيد إبراهيم محروس إلى قسم شرطة المرج والذي أبلغ عن تضرره من عدد من الأشخاص والذي يعمل صاحب شركة الحمد لاستيراد والتصدير.
وقف سيد ابراهيم محروس، صاحب شركة الحمد للاستيراد والتصدير، يروي في التحقيقات الأولية لرجال الأمن قائلا: اللي حصل أني ليا مركز اسمه مركز المهندس بالحرفيين وده بشتري أي سيارات خاصة بالحوادث وبصلحها وأرجع أبيعها تاني، وفوجئت بأن فيه واحد اتصل بيا يوم الأحد اللي فات وبلغني بأنه عنده عربية عايز يبيعها ماركة نيسان وطلبت منه يبعتلي صورتها عبر واتساب، وفعلا بعتلي صورتها واتفقت معاه على سعرها وطلب مني إني أروح عنده في منطقة المرج الجديدة بشارع الأنابيب في نفس اليوم بس أنا كانت عندي ظروف.
وتابع سيد إبراهيم في التحقيقات الأولية: طلبت منه إني هاروح أخدها منه يوم الاثنين بعد صلاة الظهر، وفضل يلح إني أروح يوم الأحد بس أنا معرفتش ويوم الاتنين أخدت معايا فلوس، وروحت على المكان المشار إليه، وبعد ما قابلته وكان معايا عربية، وفوجئت بأنه جاي بعربية تانيه، وطلب مني إني أسيب العربية، بجانب الطريق وأركب معاه العربية بتاعته، وفوجئت بإنه خدني على البيت عنده علشان أشوف العربية وأدفع فلوسها وأمشي، ولما روحت طلب مني إني آخد واجب الضيافة، وفوجئت لما دخلت عنده لقيت إن جالي 3 أشخاص وقاموا بالاعتداء عليا بالسب والشتم ولما حاولت ارد عليهم قاموا بالاعتداء عليا بالضرب وأحدثوا إصابات في جسمي وبقيت قالع هدومي من فوق، وقاموا بالاعتداء عليا بالضرب بطريقة وحشية وأخدوا مني التليفون ومبلغ مالي 1500 جنيه.
كان بيكلم أمي وعايز يعمل معاها علاقة غير شرعية.. ننشر التحقيقات في قضية خطف مواطن بالمرج| خاص
استدراج لإقامة علاقة غير شرعية.. ننشر التحقيقات في قضية خطف مواطن بالمرج | خاص
وأكمل المجني عليه في التحقيقات الأولية: طلبوا مني يعرفوا مكان العربية اللى أنا جاي فيها ومن شدة الضرب أنا قولت على مكانها، وأخدوا مني مفتاح العربية وسرقوا منها مبلغا ماليا 105 آلاف جنيه، وبعدها خلوني أمضى على ثلاث إيصالات أمانة، وأخدوا مني السجل التجاري والبطاقة الضريبية والبطاقة الشخصية بتاعتي ورخصة القيادة بتاعتي وعدد ثلاث كروت فيزا وبعض المستلزمات الخاصة بيا، علشان يسبوني وهو ده كل اللى حصل.
