كتبت: نجلاء علاء الدين
كشفت الفنانة شيرين عبدالوهاب تفاصيل أزمتها مع شركة روتانا، وأكدت أنها تواصلت مع توني سمعان المدير التنفيذي للشئون الفنية في الشركة، من أجل إنهاء الأزمة ولكن دون جدوي.
وقالت في مداخلتها مع الإعلامي عمرو أديب في برنامج الحكاية: “شغلي مش هدية لحد ده رزقي ورزق عيالي، مش كفاية واخدين منى 8 مليون جنيه بالغلط، دي فلوس عيالي”.
وأكدت شيرين أن هناك مؤمرة مفتعلة ضدها:”فيه مؤامرة عليا عشان أقعد في البيت، وصوتي مش هينقطع أبدا.. وأناهفضل أغني وهفضل راكبة القطر بتاعي، ومفيش حد هيقدر يوقفه، أنا سكت كتير”.
شيرين عبد الوهاب: تواصلت مع توني سمعان وقولتله تاخدوا كام وتحلوا عني
وأضافت: “آخر تليفون حصل بينى آنا وتوني سمعان، لما يئست من الدنيا واللى فيها، وكلمته قولتله قول للأستاذ سالم ياخد كام ويحل عنى وترد عليا خلال 24 ساعة، رجع برد يحرق الدم ومتفقين عليا، قالي استاذ سالم بيقولك عايزين الشرط الجزائي وتعويض، ونزلت الأغاني ومش هتكلم عنها”.
وتابعت: “تواصلت مع توني سمعان موزع روتانا، وطلبت منه أن يأخذ منها الأغاني، ولكن رفضوا استلام الأغاني».. «مش عايزين يستلمو الأغاني، عايزين شيرين عبدالوهاب حصري، مهما روتانا عملت هنزل الأغاني على البوتاجاز، والنجاح اللى أنا فيه دلوقتى الفضل فيه يعود للناس”.
شيرين عبد الوهاب: الفلوس اللي روتانا دافعينها لي باخدهم في حفلة
وأكملت: “روتانا عايزة شيرين عبدالوهاب حصري بالحفلات، الفلوس اللي هما دافعينها لي، أنا باخدهم في حفلة، عشان كده هما عايزين شيرين حصري لحفلات اللايف”.
وأشارت”الأغاني كانت جاهزة وخلصانة مسلموهاش ليه، قسما بالله أن روتانا امتنعت عن استلام الأغاني، عشان عايزين شيرين حصري في الحفلات وده مكنش اتفاقنا يا أفندم”.
أغنية شيرين الجديدة مازال ع البال
يشار إلى أن طرحت النجمة شيرين عبد الوهاب عبر قناتها في موقع يوتيوب وحسابها في موقع “إكس” أحدث أعمالها الغنائية بعنوان “مازال ع البال”، وهي الأغنية الرابعة التي طرحتها شيرين خلال الأيام الماضية، بعد أغنية “بتمنى أنساك”، من كلمات وألحان عزيز الشافعي، وتوزيع توما، وأغنية “اللي يقابل حبيبي”، من ألحان عزيز الشافعي وكلمات تامر حسين، وتوزيع توما، و”هنحتفل”، من كلمات تامر حسين، وألحان عزيز الشافعي، وتوزيع توما.
