كتبت: سلوى أبو زيد
ردت الفنانة شيرين رضا من خلال برنامج “العرافة” مع الإعلامية بسمة وهبه، علي هجوم الفنانة أحلام عليها بسبب تعليقها المثير للجدل حول صوت الآذان، و وصفها إياه بـ”صوت الجعير”.
وقالت شيرين رضا: “أحلام دي ست فاضية ومعندهاش حاجة تعملها، وبعدين هي تعرفني منين عشان تقول إنها “تنتفني ليه هي شغالة في كوافير، انتي مالك خليكي في حالك هو انتي تعرفيني، وبعدين انتي بتدافعي عن مين وأنا شتمت مين.. انتي تعرفي المؤذن ده”.
رد شيرين رضا على أحلام
تابعت شيرين: ” أنا مقولتش حاجه عن الآذان، هو أنا متخلفة عقليًا علشان أشتم الآذان ؟… أنا قولت جعير.. و دي مش شتيمة، ده وصف للمؤذن، لأنه لازم يحترم الدين”.
وأضافت رضا: ” تعليقي كان على صوت المؤذن.. والرسول صلى الله عليه وسلم ماكانش بيأذن وكان أحسن صوت في الدنيا، أنا مغلطتش وقلت الحقيقة”.
وكشفت الفنانة شيرين رضا العديد من الأسرار والمواقف في حياتها الخاصة عبر برنامج “العرافة” مع الإعلامية بسمة وهبة، والذي يعرض علي قناتي المحور والنهار.
وقالت الفنانة شيرين رضا في برنامج “العرافة” مع بسمة وهبة: ” أنا مجاليش عروض زواج كتير، أنا اتجوزت مرتين وبعد المرتين مجاليش عروض جواز كتيرة”.
وأردفت: ” بارفض الجواز عشان مانجحتش في المرتين اللي فاتوا، ليه أعيد التجربة تالت؟، ممكن يكون العيب فيا أنا، ويمكن أكون مش باعمر مع حد، أو مش بقدر أدي الراجل اللي هو محتاجه في الجواز، أنا صريحه ودوغري ومش بحب أكون غير كده”.
لمتابعة مزيد من الأخبار اضغط هناااا
تابعنا من خلال صفحتنا على الفيس بوك من هناااااااا
